ସୋନାଲିସା ସାମଲ
ମାଆ ଗୋଟିଏ ଏମିତି ଶବ୍ଦ
ଦୁରେଇ ଦିଏ ସେ ସବୁ ବିପଦ ।
କେମିତି ବର୍ଣ୍ଣିବି ତାକୁ ଶବ୍ଦ ପାଉନାହିଁ
ଯେତେ ଲେଖିଲେ ବି ମନ ପୁରେ ନାହିଁ ।
ସରଗ ସମାନ ଅଟେ କୋଳଟି ତାହାର
ତା ଆଶିଷ ବିନା ଲାଗେ ସବୁ ତ ଅସାର ।
କେତେ ଦୁଃଖ କଷ୍ଟ ସେ ଯେ ଯାଇଛି ସହି
କେତେ ଲୁହକୁ ଓଠ ତାର ଦେଇଛି ପିଇ ।
ତା କୋଳେ ଜନ୍ମ ହେଇ ମୋ ଜୀବନ ଧନ୍ୟ
ସବୁ ଥାଇ ମାଆ ବିନା ଶହେ ଲାଗେ ଶୂନ୍ୟ ।
ମାଆ ଅଟେ ଆମ ପାଇଁ ପ୍ରଥମ ଶିକ୍ଷକ
କେହି ହେବେ ନାହିଁ ତାର ସମକକ୍ଷ ।
ସବୁ ଖୁସି ଭରିଦିଅ ମୋ ମାଆ ଜୀବନରେ
ଏତିକି ମୁଁ ନିତି ଡାକେ କାଳିଆ ପାଖରେ ।
ଭଦ୍ରକ ସ୍ୱୟଂ ଶାସିତ ମହାବିଦ୍ୟାଳୟ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।