ଦେବଯାନୀ ଦାସ
ଉଦୟ ଭାନୁ ତରଫରୁ ହେଉଥିବା ପ୍ରବନ୍ଧ ପ୍ରତିଯୋଗିତା ହିଁ ଲାଗେ ପ୍ରତିଯୋଗିତା ଭଳି । ପ୍ରତ୍ଯେକ ପ୍ରତିଯୋଗୀ ସୁନ୍ଦର ପ୍ରୟାସ କରନ୍ତି , ଆଉ ସେ ସବୁ ପଢ଼ିବା ବେଳେ ଭଲ ଲେଖା କିଛି ପଢ଼ିବାର ଆତ୍ମସନ୍ତୋଷ ଆସେ ।
ଏଥରର ପ୍ରବନ୍ଧର ବିଷୟବସ୍ତୁ ଖୁବ୍ ଭଲ ଥିଲା । ଆଉ ସମସ୍ତ ପ୍ରତିଯୋଗୀ ବିଭିନ୍ନ ଉଦାହରଣ ମାଧ୍ୟମରେ ଏସବୁ ବର୍ଣ୍ଣନା କରିଛନ୍ତି । କହିବାକୁ ଗଲେ ମୋତେ ଅନେକ କିଛି ନୂଆ ଉପାଦାନ ବି ମିଳୁଛି ଏସବୁ ପ୍ରବନ୍ଧରୁ । ତଥ୍ୟ ସଂଗ୍ରହ ପ୍ରୟାସ ସମସ୍ତଙ୍କର ଅଭିନନ୍ଦନୀୟ ।
କାଙ୍ଗାଳୀ ଚରଣ ସେଠୀ , ନିବେଦିତା ମହାପାତ୍ର , ସଦାନନ୍ଦ ସାହୁ , ସଂଯୁକ୍ତା ସାହୁ , ପ୍ରତାପ ମିଶ୍ର , କେଶବ ଚନ୍ଦ୍ର ବେହେରା , ପ୍ରତାପ କିଶୋର ରାଉତ , ଅନୁପମା ଦାସ ସମସ୍ତେ ନିଜ ନିଜ ପ୍ରବନ୍ଧକୁ ତଥ୍ୟ ଓ ଉଦାହରଣ ମାଧ୍ୟମରେ ସୁନ୍ଦର ଭାବେ ସଜାଇ ଉପସ୍ଥାପନ କରିଛନ୍ତି ।
ଏମାନଙ୍କ ମଧ୍ୟରୁ ଅନୁପମା ଦାସଙ୍କ ଲେଖାକୁ ଶ୍ରେଷ୍ଠ ବିବେଚିତ କରିଛୁ । ସୀମିତ ଶବ୍ଦ ମଧ୍ଯରେ ବିଷୟବସ୍ତୁର ସାରକଥାକୁ ସେ ସୁନ୍ଦର ଭାବେ ଉପସ୍ଥାପନା କରିଛନ୍ତି । ଯୋଉଟିକୁ ମୁଁ ସର୍ବଦା ପ୍ରାଧାନ୍ୟ ଦେଇଥାଏ ।
ଧର୍ମ , ଅର୍ଥ , କାମ , ମୋକ୍ଷର ସଂଜ୍ଞା ସହ ଉଦାହରଣ ଓ ତଥ୍ଯ ପୃଥକ ପୃଥକ ବର୍ଣ୍ଣନା କରି ପୁଣି ବିଷୟବସ୍ତୁ ସହ ସଂଯୋଗ କରିବାର ଚମତ୍କାରିତା ପ୍ରଦର୍ଶନ କରିଛନ୍ତି ସେ । ଅଭିନନ୍ଦନ ଅନୁପମା ଦାସ ।
ଅନ୍ୟ ସମସ୍ତଙ୍କ ପାଇଁ ଅସରନ୍ତି ଶୁଭେଚ୍ଛା ଓ ଶୁଭକାମନା । କରୋନାର ଭୟାବହତା ମଧ୍ଯରେ ଦୁର୍ଗାପୂଜାର ବାହ୍ୟ ଆଡ଼ମ୍ବରତା ହ୍ରାସ ପାଇପାରେ । ମାତ୍ର ନିଜ ଭିତରର ଭକ୍ତି ଓ ଦୁର୍ଗା ଆବାହନର ପ୍ରକୃତ ଅର୍ଥର ଉପଲବ୍ଧି ଆପଣ ମାନଙ୍କ ମଧ୍ୟରେ ରହୁ । ଏ କାମନା ସହ ସମସ୍ତେ ସୁସ୍ଥ ଓ ନିରାପଦରେ ଥାଆନ୍ତୁ ।
ବିଚାରକ - ଉଦୟ ଭାନୁ
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।