ଦେବଯାନୀ ଦାସ
(ବିଚାରକ)
'ସାରୁ ଭିତରେ ମାରୁ' ଥିଲା ଏଥର ପ୍ରତିଯୋଗିତାର ଥିମ୍ । ଏ ଥିମ୍କୁ ନେଇ ରମ୍ଯରଚନା କରିବାକୁ ଦିଆଯାଇଥିଲା । ଅଂଶଗ୍ରହଣକାରୀ ପ୍ରତିଯୋଗୀ ମାନେ ଉତ୍ସାହ ଜନକ ଭାବେ ପ୍ରୟାସ କରିଛନ୍ତି ।
ମୁଁ ପୂର୍ବଥର ରମ୍ଯରଚନାର ବୈଚାରିକ ଧାରାରେ କହିଥିଲି ଦିଆଯାଇଥିବା ଥିମ୍ ଏକ ପ୍ରତୀକାତ୍ମକ ଅର୍ଥ ବହନ କରେ । ଏ ଥିମ୍କୁ ବୁଝନ୍ତୁ , ତା'ପରେ ରମ୍ଯରଚନା କରନ୍ତୁ । ଅବଶ୍ଯ ଅନେକ ଏ ଥିମ୍କୁ ସଠିକ୍ ବୁଝି ରମ୍ଯ ଗଳ୍ପର ଉପସ୍ଥାପନା କରିଛନ୍ତି ଓ ଆଉ କିଏ ଏହାକୁ ସିଧାସଳଖ ଗ୍ରହଣ କରି ବୁଝିବାରେ ଭ୍ରମ କରିଛନ୍ତି ।
ସଠିକ୍ ଧାରା , ଅର୍ଥ , ଭାବମୟତା , ଉପସ୍ଥାପନା ସବୁ ଦୃଷ୍ଟିରୁ ପ୍ରିୟଦର୍ଶିନୀ ସାମନ୍ତରାୟଙ୍କ ଗଳ୍ପ ଅଭିନନ୍ଦନୀୟ ଓ ଧନ୍ଯବାଦାହ । ମହାଶୟାଙ୍କୁ ମୋର ଆନ୍ତରିକ ଶୁଭେଚ୍ଛା । ପୂର୍ବଥର ସେ ବିଜେତା ଥିବାରୁ ଏଥର ତାଙ୍କ ଗଳ୍ପକୁ ଆମେ ବିଜେତା ଘୋଷଣା କରିପାରିଲୁ ନାହିଁ ଉଦୟ ଭାନୁର ନିୟମାବଳୀକୁ ଅନୁସରଣ କରି । ମାତ୍ର ଏ ନିୟମକୁ ଆମେ ପ୍ରତ୍ଯାହାର କରିବାକୁ ଚିନ୍ତା କରୁଛୁ । ଉପଯୁକ୍ତ ଲେଖାକୁ ବାରମ୍ବାର ମାନ୍ଯତା ମିଳୁ ଅବା ପୂର୍ବଥର ପାଇଥିଲେ ଏଥର ଯଦି ତାଙ୍କ ଲେଖା ସର୍ବୋତ୍କୃଷ୍ଟ ହେଲା ତା'ହେଲେ ସେ ଲେଖାକୁ ଆମେ କୌଣସି ପ୍ରକାରେ ମାନ୍ୟତା ଦେବାର ଚିନ୍ତା କରୁଛୁ । "ସାରୁ ଭିତରେ ମାରୁ"ର ସଠିକ୍ ଅର୍ଥ ବହନ କରି ସୁନ୍ଦର ଗଳ୍ପଟିଏ ଭେଟି ଦେଇଥିବାରୁ ଉଦୟ ଭାନୁ ପରିବାର ତରଫରୁ ମୁଁ ତାଙ୍କୁ ଅଭିନନ୍ଦନ ଜଣାଉଛି ।
ତା'ପରେ ଆସିବି ଗୀତାଞ୍ଜଳୀ ପୃଷ୍ଟିଙ୍କ ଗଳ୍ପକୁ । ତାଙ୍କ ଗଳ୍ପରେ ମଧ୍ଯ ରହିଛି ରମ୍ଯ ଓ ସଠିକ୍ ଅର୍ଥର ପରିପ୍ରକାଶ । ଚରିତ୍ର ମାନଙ୍କର ନାମକରଣକୁ ସେ ରମ୍ଯ ମୁତାବକ କରିଛନ୍ତି । ଧନ୍ୟବାଦ ଓ ଅଭିନନ୍ଦନ । ତାଙ୍କ ଗଳ୍ପଟି ସୁନ୍ଦର ସାମାଜିକ ସନ୍ଦେଶ ବହନ କରେ ।
ଏବେ ଆସିବି ଅନୁପମାଙ୍କ ଗଳ୍ପକୁ । ମୁଁ ଆଉଥରେ କହୁଛି ଓଡ଼ିଆ ସାହିତ୍ଯରେ ରୁଢ଼ିର ଅର୍ଥ କେବେ ସିଧାସଳଖ ନଥାଏ । ପ୍ରତ୍ଯେକର ଅର୍ଥ ପ୍ରତୀକାତ୍ମକ । "ସାରୁ ଭିତରେ ମାରୁ" - ଏଠି ସାରୁ ଶବ୍ଦର ଅର୍ଥ ଆମେ ଖାଉଥିବା ସାରୁ ନୁହେଁ । ସେ ତାଙ୍କର ଗଳ୍ପର ଆରମ୍ଭ ଭୁଲ୍ ସମୀକରଣରୁ ହିଁ କରିଛନ୍ତି । ସାରୁକୁ ଇଂରାଜୀରେ , ହିନ୍ଦୀରେ , ବଙ୍ଗଳାରେ କ'ଣ କୁହାଯାଏ ଠାରୁ ଗଳ୍ପ ମଧ୍ଯରେ ମଧ୍ଯ ସେ ଆମେ ଖାଉଥିବା ସାରୁକୁ ହିଁ ଉପସ୍ଥାପନ କରିଛନ୍ତି । କିନ୍ତୁ ପ୍ରକୃତରେ ଦିଆଯାଇଥିବା ଥିମ୍ର ଅର୍ଥ ସେଇଆ ନୁହେଁ । ଯଦିଓ ଗଳ୍ପରେ କୌତୁକ ରହିଛି କିନ୍ତୁ ପ୍ରତିଯୋଗିତାରେ ଦିଆ ଯାଇଥିବା ଥିମ୍କୁ ସ୍ପର୍ଶ କରିପାରି ନାହିଁ ।
ଏଥର ପ୍ରତିଯୋଗିତା କେବଳ ଯେହେତୁ ଗଳ୍ପ ନଥିଲା , ରମ୍ଯ ଗଳ୍ପ ଥିଲା । ତେଣୁ ରମ୍ଯକୁ ପ୍ରାଧାନ୍ୟ ଦେଇ ପ୍ରତାପ ମିଶ୍ରଙ୍କୁ ବିଜେତା ଘୋଷଣା କରାଯାଇଛି । ମହାଶୟଙ୍କୁ ଅଭିନନ୍ଦନ ।
ଅନ୍ଯ ପ୍ରତିଯୋଗୀ ସ୍ମିତା ମହାନ୍ତି , ପଦ୍ମାଳୟା ମିଶ୍ର , ନିବେଦିତା ମହାପାତ୍ର , ଜ୍ଯୋତ୍ସ୍ନା ସିଂହ , ପ୍ରତାପ କିଶୋର ରାଉତ ଏମାନଙ୍କର ରହିଛି ସୁନ୍ଦର ପ୍ରୟାସ ।ସମସ୍ତ ଗଳ୍ପ ସୁଖପାଠ୍ଯ ।
ପ୍ରତିଯୋଗିତାରେ ଅଂଶଗ୍ରହଣ କରି ନିଜ ଭିତରେ ଥିବା ସାହିତ୍ୟିକ ପ୍ରତିଭାକୁ ଉତ୍ସାହିତ ଓ ପରିମାର୍ଜିତ କରନ୍ତୁ ।
ଧନ୍ଯବାଦ , ସମସ୍ତଙ୍କର ସୁସ୍ଥତା ଓ ମଙ୍ଗଳ କାମନା ସହ............
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।