ଦେବଯାନୀ ଦାସ
(ବିଚାରକ- ଉଦୟ ଭାନୁ)
ଏଥରର ପ୍ରବନ୍ଧ ପ୍ରତିଯୋଗୀତାର ବିଷୟବସ୍ତୁ "ମାଳିକା ବିଚାର" ସାମ୍ପ୍ରତିକ ପରିସ୍ଥିତି ପାଇଁ ଏକ ଉପାଦେୟ ବିଷୟ ଥିଲା। ବହୁ ସଂଖ୍ୟକ ପ୍ରତିଯୋଗୀ ଏଥିରେ ଅଂଶଗ୍ରହଣ କରିବେ ବୋଲି ଭାବୁଥିଲୁ ; ହେଲେ ଏତେ ନିରୁତ୍ସାହଜନକ ଥିଲା ପ୍ରତିଯୋଗିତା ଯେ ମାତ୍ର ଦୁଇ ଜଣ ଅଂଶଗ୍ରହଣ କରିଥିଲେ। ଦୁଇ ଜଣ ଯାକଙ୍କର ସୁନ୍ଦର ପ୍ରୟାସ , ଉପାଦେୟ ତଥ୍ୟରେ ପୂର୍ଣ୍ଣ ପ୍ରବନ୍ଧ ଖୁସି ପ୍ରଦାନ କଲା।ସତ କହିବାକୁ ଗଲେ ପ୍ରବନ୍ଧ ଦୁଇଟିରୁ ମୁଁ ବି କିଛି ଜାଣିବାକୁ ପାଇଛି।ତଥ୍ୟ ସଂଗ୍ରହ କରି ସାବଲୀଳତା ଭିତରେ ପ୍ରବନ୍ଧକୁ ସଜେଇଛନ୍ତି ଦୁଇ ପ୍ରବନ୍ଧକାର। ସେମାନଙ୍କ ମଧ୍ୟରୁ ଆମେ ଦେବାଶିଷ ରାଉତଙ୍କୁ ବିଜେତା ଘୋଷଣା କରିଛୁ। ଅଭିନନ୍ଦନ ଦେବାଶିଷ ବାବୁ।
ତାଙ୍କ ପ୍ରବନ୍ଧଟିରେ ପର୍ଯ୍ୟବେସିତ ପ୍ରତ୍ୟେକ ଧାଡ଼ି ସୁଖପାଠ୍ୟ ଅଟେ। "ମାଳିକା"କୁ ଓଲଟାଇ ଦେଲେ କାଳିମା ଏବଂ "ଜୀବନର ପ୍ରତିଟି କାଳିମା ଅନ୍ଧାର ଅର୍ଥାତ୍ ବିପଦର ପୂର୍ବାଭାଷ ହିଁ ମାଳିକା" ଖୁବ୍ ଭଲ ଲାଗିଲା ଏ ବାକ୍ୟ ଦୁଇଟି। ତାପରେ ସେ ଯେମିତି ବିଜ୍ଞାନ ଓ ମାଳିକାର ସମନ୍ବୟତା ରକ୍ଷା କରିଛନ୍ତି ବେଶ ସୁନ୍ଦର ହୋଇଛି ପ୍ରବନ୍ଧଟି।
ସେହିପରି ଅନ୍ୟତମ ପ୍ରତିଯୋଗୀ ପ୍ରତାପ କିଶୋର ରାଉତ ଅଚ୍ୟୁତାନନ୍ଦଙ୍କ ସହିତ ଅନ୍ୟ ମାଳିକାକାରଙ୍କର ତଥ୍ୟ ମଧ୍ୟ ଉଲ୍ଲେଖ କରିଛନ୍ତି। କାବିକ୍ୟ ଶୈଳୀରେ ତାଙ୍କ ପ୍ରବନ୍ଧ ମଧ୍ୟ ଅନେକ ତଥ୍ୟ ଉନ୍ମୋଚନ କରେ। ତାଙ୍କୁ ମଧ୍ୟ ଧନ୍ୟବାଦ ଓ ଅଭିନନ୍ଦନ।
ଏଥରର ହତୋତ୍ସାହ ସଂଖ୍ୟାକୁ ଦେଖି ସଭାପତି କିଛି ନିୟମ ପ୍ରଣୟନ କରିଛନ୍ତି। ଆଶା କରୁଛି ଉଦୟଭାନୁର ପ୍ରତିଯୋଗୀମାନେ ଏହାକୁ ଧ୍ୟାନ ଦେବେ। ସମସ୍ତଙ୍କ ସୁସ୍ଥତା କାମନା କରି ରହୁଛି।
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।