କଣ୍ଡୁରୀ ଚରଣ ରାଉତ
ଶିକ୍ଷକ,ସତ୍ୟବାଦୀ ହାଇସ୍କୁଲ୍
ଧଣ୍ଡାମାଳ,ଦେଓଗାଁ,ବଲାଙ୍ଗିର
ସଂପ୍ରତି ଓଡ଼ିଆ ଭାଷା ସାହିତ୍ୟର ଉନ୍ନତି ତଥା ସାହିତ୍ୟିକମାନଙ୍କୁ ଏ ଦିଗରେ ଅନୁପ୍ରେରିତ କରିବାପାଇଁ "ଉଦୟଭାନୁ ସାହିତ୍ୟ ପରିବାର" ପକ୍ଷରୁ ଆୟୋଜିତ ସାପ୍ତାହିକ ସାହିତ୍ୟ ପ୍ରତିଯୋଗିତା ଏକ ପ୍ରଶଂସନୀୟ ପଦକ୍ଷେପ ।ସେଇ କ୍ରମରେ ଏ ସପ୍ତାହର ବିଷୟବସ୍ତୁ ଥିଲା 'ସାଂପ୍ରତିକ ପରିସ୍ଥିତିରେ ରାଜନେତାଙ୍କ ଭୂମିକା'କୁ ନେଇ ବ୍ୟଙ୍ଗ କବିତା । ବ୍ୟଙ୍ଗ କବିତା ମୁଖ୍ୟତଃ ହାସ୍ୟରସଧର୍ମୀ ଓ ଉପହାସମୂଳକ ।ସେଥିପାଇଁ ତାହା ପାଠକମାନଙ୍କୁ ଆକୃଷ୍ଟ କରେ ।ତାହାକୁ ହସେଇ,ରସେଇ,ବାଗେଇ,ଚୁନେଇ ବ୍ୟଞ୍ଜନାମୟ ବାକ୍ୟରେ ଏମିତି ପରିବେଷଣ କରାଯାଏ ଯେ ପାଠକ ନ ହସି ରହିପାରେନି ।ଏଥିରେ ବ୍ୟକ୍ତି ଓ ସମାଜକୁ ସୁଧାରିବାପାଇଁ ବାର୍ତ୍ତା ବି ରହିଥାଏ ।ପ୍ରତିଯୋଗିତାରେ ଅଂଶଗ୍ରହଣ କରିଥିବା ସମସ୍ତ ପ୍ରତିଯୋଗୀଙ୍କୁ ସାଦର ଶୁଭ କାମନା ଓ ଯୁଗ୍ମଭାବେ ଶ୍ରେଷ୍ଠ ସ୍ଥାନ ଅଧିକାର କରିଥିବା ପ୍ରିୟଦର୍ଶିନୀ ସାମନ୍ତରାୟ ଓ ଜ୍ୟୋତ୍ସ୍ନା ସିଂହଙ୍କୁ ଶୁଭ ଅଭିନନ୍ଦନ ।
ସାଂପ୍ରତିକ ରାଜନେତାମାନେ ନିଜକୁ ଜନତାର ସେବକ ବୋଲି ଯେତେ କୁହାଗଲେ ବି ସେମାନେ ଯେ କେବଳ ନିଜର ବ୍ୟକ୍ତିଗତ ଓ ଦଳୀୟ ସ୍ବାର୍ଥ ସାଧନରେ ବ୍ରତୀ ଏକଥା ଊଣା ଅଧିକେ ସମସ୍ତେ ଅବଗତ । ସାଂପ୍ରତିକ ରାଜନୀତି ଓ ରାଜନେତାଙ୍କ ସଂପର୍କରେ ଜଣେ ପ୍ରାବନ୍ଧିକ ତାଙ୍କ ପୁସ୍ତକରେ ଲେଖିଛନ୍ତି- "ରାଜନୀତି ଏବେ ଗଳାକଟା ପ୍ରତିଯୋଗିତା ଓ ଶଠତାର ଖେଳ ।ରାଜନୀତି କରିବାକୁ ହେଲେ ମୋଟା ଚମଡ଼ା ଓ ଆପାତ ବୁଦ୍ଧି ଦରକାର ।ସବୁ ମିଥ୍ୟାକୁ ସତ୍ୟରେ, ସବୁ ସତ୍ୟକୁ ମିଥ୍ୟାରେ ପରିଣତ କରିପାରିବାର ଅସାଧାରଣ କ୍ଷମତା ଦରକାର ।ସମସ୍ତ ଜଟିଳ ପରିସ୍ଥିତି ଓ ସମସ୍ୟାକୁ ଅତି ସରଳ ଏବଂ ସରଳ ପରିସ୍ଥିତିକୁ ଅନ୍ୟପାଇଁ ଜଟିଳ କରିପାରିବାର ବ୍ୟୁହ ରଚନା କ୍ଷମତା ନ ଥିଲେ କେହି ବାସ୍ତବରେ ସାର୍ଥକ ନେତା ହୋଇପାରିବ ନାହିଁ ।"ଖୁବ୍ ସୁନ୍ଦର କଟାକ୍ଷ କରିଛନ୍ତି ସେ ରାଜନେତାମାନଙ୍କୁ ତାଙ୍କ ଲେଖାରେ ।
ଶ୍ରେଷ୍ଠ ସ୍ଥାନ ଅଧିକାର କରିଥିବା ଦୁଇଟିଯାକ କବିତା ସାଂପ୍ରତିକ ରାଜନୈତିକ ଓ ଗଣତାନ୍ତ୍ରିକ ମୂଲ୍ୟବୋଧର ଅବକ୍ଷୟକୁ ନେଇ ରଚିତ ।କବୀ ପ୍ରିୟଦର୍ଶିନୀ ସାମନ୍ତରାୟ ତାଙ୍କ 'ଜୟ ଜୟ ଜୟ ନେତା ହେ' କବିତାରେ ସଂପ୍ରତି ନେତାଙ୍କ ଚରିତ୍ର ଚିତ୍ରଣ କରିଛନ୍ତି ।ରାଜନୀତି ଆଜି ଅସାଧୁ ଓ ଖଳ ଲୋକଙ୍କ ଚରାଭୂଇଁ ପାଲଟିବା ସହିତ ସେମାନଙ୍କ ସ୍ବାର୍ଥାନ୍ବେଷୀ ମନୋଭାବ କବୀଙ୍କୁ ବ୍ୟଥିତ କରିଛି ।ସଚ୍ଚୋଟ ଓ ସାଧୁ ଲୋକ ରାଜନୀତିକୁ ଆସିଲେ ଏ ଅବସ୍ଥାରେ ପରିବର୍ତ୍ତନ ହେବା ସହିତ ସମାଜର କଲ୍ୟାଣ ସାଧିତ ହୋଇପାରନ୍ତା ବୋଲି ସେ ଆଶାବ୍ୟକ୍ତ କରିଛନ୍ତି ।କବୀ ଜ୍ୟୋତ୍ସ୍ନା ସିଂହ କିନ୍ତୁ ସାଂପ୍ରତିକ କୁଟିଳ ରାଜନୀତି ଉପରେ ଆଲୋକପାତ କରିଛନ୍ତି ।ସେଥିରେ ଦଳୀୟ କର୍ମୀ,ନେତାଙ୍କ ବଚସ୍କର,ଅନୁଗତ,ସମର୍ଥକ ଓ ପ୍ରଶଂସକ ବ୍ୟକ୍ତିଗତ ତଥା ଦଳୀୟ ସ୍ବାର୍ଥ ସାଧନରେ ବ୍ରତୀ।କଳେବଳେ କୌଶଳେ କୁଚକ୍ରୀ ଦୁର୍ଯ୍ୟୋଧନମାନେ ଶାସନ ଗାଦି ଅକ୍ତିଆର କରିବାରେ ବ୍ୟସ୍ତ ।ଏବେବି ପାଞ୍ଚାଳୀ ରାଜରାସ୍ତାରେ ବିବସନା ହୁଏ ।ଅନ୍ୟାୟ,ଅନୀତି,ଦୁର୍ନୀତି,ଭ୍ରଷ୍ଟା
ଅବଶ୍ୟ କବିତାକୁ ଆଉ ଟିକେ ରସସିକ୍ତ କରାଯାଇ ପାରିଥାଆନ୍ତା । ଶବ୍ଦ ସଂଯୋଜନା ଓ ଯତିପାତ ଉପରେ ଦୃଷ୍ଟି ଦେଇଥିଲେ କବିତା ଅଧିକ ଶ୍ରୁତିମଧୁର ହୋଇଥାନ୍ତା ।କେତେକ ପାଦର ଅକ୍ଷର ସଂଖ୍ୟା ବି ସମାନ ନୁହେଁ । ତା' ଛଡ଼ା ମୋବାଇଲରେ ଲେଖିଲାବେଳେ କେତେକ ବନାନଗତ ଅଶୁଦ୍ଧି ରହୁଛି ।ପୋଷ୍ଟ କରିବା ପୂର୍ବରୁ ସେ ସବୁକୁ ଭଲ ଭାବେ ଯାଞ୍ଚ କରିନେବା ନିହାତି ଆବଶ୍ୟକ ।ଆଶା କରେ ଏଥିପ୍ରତି ଆଗକୁ ନିଶ୍ଚୟ ସଚେତନ ହେବେ ।ପରିଶେଷରେ ଦୀପାବଳିର ଶୁଭେଚ୍ଛା ସହିତ ପୁଣି ଥରେ କୃତଜ୍ଞତାପୂର୍ଣ୍ଣ ଅଭିନନ୍ଦନ ଜଣାଇବା ସହିତ ଉଭୟଙ୍କର ସାରସ୍ବତ ଜୀବନର ସମୃଦ୍ଧି କାମନା କରୁଛି ।
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।