ମୁଁ 'ମୋ 'ପରିଧି ଭିତରେ

ରଶ୍ମିରେଖା ମିଶ୍ର (ଶିକ୍ଷୟିତ୍ରୀ)

ମୁଁ ଘୁରୁଛି ଘୁରୁଥିବି

ମୋର ଏଇ କବିତା ସାଥିରେ ।

କେତେ ପଥ ଲଙ୍ଘୁଥିବି

ତା' ସାଥିରେ ଚାଲି ଏଇ 

ଜୀବନ ବିଥିରେ ।

ମୁଁ ଛୁଇଁବି ତା' ଦେହକୁ

କଳ୍ପନାର ରଂଗ ତୋଳି ତୋଳି ।

ମୁଁ ଭେଟିବି ମୋ' ନିଜକୁ

ଯେ ପର୍ଯ୍ୟନ୍ତ ପାରୁଥିବି ଚାଲି ।

ଆଙ୍କୁଥିବି ଛବି କେତେ

ରହି ରହି ନିରେଖି ନିରେଖି ।

ବସିଥିବି ଚୁପ୍ ହୋଇ

ମିଠା-କଷା ଚାଖୁଥିବି ହସି ।

ସୁଖେ କେବେ ଦୋଳିବିନି

ଦୁଃଖେ କେବେ ଭାଙ୍ଗିବିନି

ଏ ଦୁନିଆ ଯେଣୁରେ ଅଳିକ !

ଆପଣାର କରି ସର୍ବ

ମୋ' ଅନ୍ତର ଭିତର ବାହାର ,

ଯାଚୁଥିବି ପ୍ରେମ ମୈତ୍ରୀ ଦାନ ।

ମୋ' ପାଇଁ ରହିବ ନାହିଁ

କେ' ବା ଉଚ୍ଚ କେ' ବା ନୀଚ୍ଚ

ମାନ ଅପମାନ ।

ବାନ୍ଧି ଯିବି ସାମ୍ୟ ମୈତ୍ରୀ ଡୋର 

ଗାଇ ଯିବି ଗୀତ ଆପଣାର ।

କେ' ବା ପର କେ' ଅବା ନିଜର !!

ଏକାକାର କରି ସର୍ବ

ମୋ' ଏକାନ୍ତ ନିଜସ୍ବ ମାନରେ

ଲେଖି ଦେବି ସେ କବିତାଢ଼

ଯାହା ଥିବ ସମୟ ପୃଷ୍ଠାରେ ।

ରୋଟରୀ ପବ୍ଲିକ୍ ସ୍କୁଲ୍‌ (ଅନୁଗୋଳ)

ଜୟ ସାହିତ୍ୟ, ଜୟ ସମାଜ