ମୃଣ୍ମୟୀ ବେହେରା
ମଉଳା ରଜରେ ମଉଳା ସ୍ମୃତିର ,
ମନ୍ଦ ମନ୍ଦ ବାସ ବାସେ ,
ହୃଦୟ ଭଗ୍ନାଂଶ କିଛି ସାଇତିଛି
କିଛି ସମୟର ପାଶେ ।।
ପିତା ଗୃହେ ସେ ତ ଅଲିଅଳି ଜେମା
ମା'ର ନୟନ ତାରା ,
ପାଦରେ ପାଉଁଜି ଶୁଭେ ରୁଣୁଝୁଣୁ
ସରଗ ପରୀଟି ପରା ।।
ଶୂନ୍ୟ ଆଜି ତା' ପିତାଙ୍କ ଆଳୟ
ଶୂନ୍ୟ ସେହି ରଜ ଦୋଳି ,
ମା'ର ନୟନେ ଧାର ଧାର ଲୁହ
କରିବ କେ' ରଜେ ଅଳି ।।
ସେଥିପାଇଁ ଅବା କନ୍ୟାଦାନ ବେଳେ
ପିତାର ନୟନେ ଲୁହ ,
ଛାଡ଼ି ଚାଲିଗଲେ ଶ୍ବଶୁରାଳୟକୁ
ତୁଟିଵ ସ୍ନେହର ମୋହ ।
ମଉଳା ରଜରେ ତାଜା ହୋଇଗଲା
ଅତୀତ ସ୍ମୃତିର ଵାସ ,
ହୃଦ ଉପଵନେ ପୁନଃ ମହକିଲା
ନବ ପୁଷ୍ପର ସୁବାସ ।।
ଭୂଵନେଶ୍ଵର
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।