କୈଳାସ ଚନ୍ଦ୍ର ପାଢ଼ୀ
ଆରମ୍ଭରୁ ସହିଅଛ
ଦୁଃଖ-ଦାବାନଳ ,
ଅମର ଆତ୍ମା ତୁମ୍ଭର
ସଦା ଚ଼ଳ ଚଳ ।।
ମୃତ୍ୟୁ ତବ ନାହିଁଁ ଏଇ
ମର୍ତ୍ତ୍ୟ ମଣ୍ଡଳରେ ,
ନଶ୍ବର-ଶରୀର ନୁହେଁ
ପରିଚୟ କା'ରେ ।।
ଜନ୍ମ-ଜାତକର କିବା
ଅଛି ପ୍ରୟୋଜନ ,
ପ୍ରାରବ୍ଧର ପୂଣ୍ୟଫଳ
ନିଭାଏ ନିର୍ବାଣ ।।
ଐଶ୍ବରୀୟ ଆଶୀର୍ବାଦ
ନେଇ ଆସିଥିଲ ,
ଈଶ୍ବର ସତ୍ତାରେ ପୁଣି
ଯାଇ ମିଶିଗଲ ।।
ମାନବୀ ରୂପରେ ତୁମ୍ଭେ
ସରସ୍ବତୀ ଅଂଶ ,
ସେ ପାଇଁ ରଖିଲ ମର୍ତ୍ତ୍ୟେ
ଅନିନ୍ଦିତ ଯଶ ।।
ଯାବତ ଚ଼ନ୍ଦ୍ରାର୍କେ ତୁମ୍ଭ
କିର୍ତ୍ତୀ ଅମଳିନ ,
କୋଟି କୋଟି କଣ୍ଠୁ୍ ଶୁ୍ଭୁ୍-
ଥିବ ଯଶଗାନ ।।
ଇହକାଳ ପରକାଳ
ମଣିଲ ସମାନ ,
ଇଚ୍ଛିଲ ନାହିଁ ଯେହେତୁ
ଆଉ ଏ ଜୀବନ ।।
ହେଲେ ଏ ସମାଜ ଖୋଜେ
ତୁମ୍ଭ ଉପସ୍ଥିତି ,
ସଦୟ କରୁଣା କର
ଧରା ଲଭୁ ଶାନ୍ତି ।।
**************
କୁମାରପୁର , ଅନନ୍ତପୁର ,
ବାସୁଦେବପୁର (ଭଦ୍ରକ)
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।