ରତ୍ନ ଅମୁଲ୍ୟ ତୁ ଛୋଟ ଫୁଲ

ସୁମନ କୁମାର ପଣ୍ଡା 

ତୁ ଛୋଟ ଫୁଲ ଶରୀର କୋମଳ                                

ବାସ ତୋ ଅମୂଲ ମୂଲ ,

ବଗିଚା ରାଇଜେ ତୁ ସୁନ୍ଦରୀ ରାଣୀ

ତୋତେ ମୁଁ ପାଉଛି ଭଲ ।

ଆଖି ଚାହାଣୀରେ ନେଉଛୁ ତୁ କିଣି

କଅଁଳ ହୃଦୟେ ଦେଉଛୁ ତୁ ହାଣି ,

କିଏ ସେ ଗଢ଼ିଛି...

କେମିତି ବିନ୍ଧାଣୀ...

ଦଇବ ବିଧାତା...

ସରଗର ମଣି  ...?.?

ତୋତେ ଦେଖି ମୋର

ଦିନ ଯାଏ ସରି...,

ରାତି ଆସି ହେଲେ...

ତୋ ସପନରେ

ନିଦ ଯାଏ ଘାରି  ।

ତୁ ତ ମୋହରି...                                  

କଥା କୁହା ଶାରୀ ,

ତୋ କଥାରେ...

ମୋ କଥା ଯାଏ ହାରି  ।

ମୁଁ ତ ଗୋଟିଏ...

ବୁଢ଼ୀ ବରଗଛ ,

ତୁ ଗୋଟିଏ ...

ଫୁଲ ଲତାର କୁମାରୀ  ।

ସୁଖେ ରହିଥାଆ ...

ସୁଖ ବରଷି ଯା'...,

ଜୀବନ ଭରି...

ଜୀବନେ ସବୁରି  ।

ପାଠ ତୁ ପଡ଼ିବୁ ...

ଆମ୍ଭେ ଆନନ୍ଦ ହେବୁ...

ପ୍ରତି ମୁହୂର୍ତ୍ତରେ ହସିବୁ...

ସୁଖ ଦୁଃଖରେ ବି ତୁ ଥିବୁ ।

ଏଇତ ମୋହ ମାୟା...

ବିଛାଇ ଦେ' ତୋ' କାୟା...

ତୁ ପରା କନ୍ୟା ଅମୁଲ୍ୟ ରତ୍ନ...

ପାଳୁଥିବୁ ଆମ୍ଭେ କରି ଅତି ଯତ୍ନ ।

      

ଝରିଗ୍ରାମ, ନବରଙ୍ଗପୁର