ଭଲ ଲାଗେନାହିଁ ତମ ନୀରବତା
ଆଜି ଏ ପଉଷ ସଂଜେ
ମଉଳେ ଗୋଲାପ ହରାଇ ତା' ରୂପ
ଝରି ଯାଏ ପ୍ରୀତି କୁଞ୍ଜେ ।
ଲୁଚିଯାଏ ଜହ୍ନ ଭସା ବାଦଲରେ
ଅବସାଦେ ମନ କୋହେ
ଵୃନ୍ତ ଚ୍ୟୁତ ହୋନ୍ତି ପ୍ରୀତି ଫୁଲ ଯେତେ
ତମ ପୀରତିର ମୋହେ ।
ଫୁଟେନା କମଳ ମାନ ସରୋବରେ
ବିଷର୍ଣ୍ଣେ ମୁଦେ ସେ ଆଖି
ସହନେ ସହଣି ସରସୀରେ ତୁମ
ପ୍ରିୟତମ ମଧୁମକ୍ଷୀ ।
ପ୍ରୀତିର ପାଖୁଡ଼ା ଝରେନାହିଁ ଜମା
ତମ ପାଇଁ ପତ୍ର ଝରା
ଅବ୍ୟକ୍ତ ସେ ଦୁଃଖ ଶୀତ ଯାମିନୀର
ଅସରନ୍ତି କୋହ ଭରା ।
ଶଙ୍କରପୁର-ଚାରିବାଟିଆ-କଟକ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।