ରତିକାନ୍ତ ବେହେରା
ଆମ ନିର୍ବାଚନ ଆମ ହାତରେ
କେଉଁ ପ୍ରାର୍ଥୀ ମୋତେ କେତେ ଦେଲାରେ
ଭାବୁଛି ମଦନା ବସି ପିଣ୍ଡାରେ
ଆଜି ସୁଦ୍ଧା ମିଳିଅଛି ହଜାରେ
ୱାର୍ଡ଼ମେମ୍ବର ଏଗାର ଜଣରେ
ଜଣକଠୁ ଦୁଇଶହ ନେବିରେ
ସରପଞ୍ଚ ପ୍ରାର୍ଥୀନୀ ଷୋହଳରେ
ସବୁ ଗୁଡା ପୁରା ଟଙ୍କାବାଲାରେ
ଯେତେ ପ୍ରାର୍ଥୀ ସେତେ ଆମ ଲାଭରେ
ଜଣକଠାରୁ ପାଞ୍ଚଶହ ନେଲେରେ
ଆଠ ହଜାର ପାଇ ତ ଯିବିରେ
ପି.ଏସ୍ ମେମ୍ବର ସାତ ଜଣରେ
ତାଙ୍କଠାରୁ ବେଶୀ ନେବି ନାହିଁରେ
ହୋଇଯିବ ମାତ୍ର ତିନି ଶହରେ
ଆଠ ଜଣ ଜିଲ୍ଲାପରିଷଦରେ
ଜଣକଠୁ ନେବି ପୁରା ହଜାରେ
କୋଡିଏ ହଜାର ପାଇ ଯିବିରେ
ବରଷକ ମଦ ଖର୍ଚ୍ଚ ହବରେ
ସମସ୍ତଙ୍କ ପାଶୁ ନେବି ମୁହିଁରେ
କିନ୍ତୁ ଭୋଟ୍ଟା କାହାକୁ ଦେବିରେ
ମୁହିଁ ଦେବି ମୋଟେ ଗୋଟେ ଭୋଟ୍ରେ
ସମସ୍ତେ ତ ଦେଉଛନ୍ତି ନୋଟ୍ରେ
ମୁଁ ଶଳା ଭୋଟ୍ ଜଣକୁ ଦେବିରେ
ଯିଏ ଦେଇ ନାହିଁ ମୋତେ କିଛିରେ
ଯିଏ ଦଉଛି ପରେ ଶୁଣିବନିରେ
ଯଦି ଦଉଛି ସ୍ୱାର୍ଥ ତ ଅଛିରେ
ଭୋଟ୍ ଦେବି ଶାନ୍ତ ଶିଷ୍ଟ ଦେଖିରେ
ଟାଉଟରଙ୍କୁ ଦେବି ତ ଧକାରେ
ଅଯଥା ଘର ଟଙ୍କା ସାରୁଛରେ
ଆମ ନିର୍ବାଚନ ଆମ ହାତରେ
କୋଚିଳାଖୁଣ୍ଟା , ବେତନଟୀ , ମୟୂରଭଞ୍ଜ -୭୫୭୦୨୫
ମୋ- ୮୯୧୭୪୦୪୩୯୬
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।