ମାଆ କହେ “ମୁଁ ଆଜି ଅଶାନ୍ତି ଅଛି”

                     ମାଧବାନନ୍ଦ ଭୋଇ

ଶୁଭ ପ୍ରଣାମ !  ବିଗତ କିଛି ଦିନ ପୂର୍ବେ ମୋ ଭାଉଜ ମୋତେ ଫୋନ୍ କହିଲେ “ମାଆ ତୁମ

ଘରେ ଅଶାନ୍ତିରେ ଅଛି”  । ମୁଁ ବି ଜାଣି ପାରିଲିନି, ସେ କଣ ପାଇଁ କହିଲେ । ତେବେ ସେ  କ୍ୱଚିତ୍ ଆମ ଘରକୁ ଆସନ୍ତି । କିନ୍ତୁ ଘରେ  ପ୍ରାୟ ସମୟରେ ଅନେକ ଘଟଣା ଘଟେ ।  ଅର୍ଦ୍ଧ ରାତ୍ରିରେ ଘରେ କିମ୍ବା ନିକଟରେ ନୁପୁରର ନିକ୍ୱଣ,  ଅଚାନକ ଚୁଆ, ଚନ୍ଦନ ଓ କର୍ପୁରର ବାସ୍ନା ଛୁଟିଆସେ ।   ଏହା କୌଣସି ହାଲୋସିଏସନ୍ କିମ୍ବା ଅର୍ଦ୍ଧ ନିଦ୍ରିତାବସ୍ଥାରେ ନୁହେଁ । ବରଂ  ଚେତନାବସ୍ଥାରେ ଘଟେ,ଦିନରେ ବି ଘଟେ  ।  ଅନେକ କିଛି ବି ଘଟେ । ସବୁ କହି ପାରୁନି । ବିଶ୍ୱରେ ଅପରା ଶକ୍ତିକୁ ଅସ୍ବୀକାର କରି ହେବନି  । ଆପଣ ଯଦି ଅବିଶ୍ୱାସ କରୁଛନ୍ତି, କରନ୍ତୁ । ତେବେ ଆଜି ଏହି ପ୍ରରିପ୍ରେକ୍ଷୀରେ ଏ କବିତା ମାଆ କହେ  “ମୁଁ  ଆଜି ଅଶାନ୍ତି ଅଛି” ମୋ ପ୍ରିୟ  ବୁଢୀ ପାଇଁ ? ଆପଣଙ୍କ ପାଇଁ   । ପାଠ କରିବା ସହିତ ମତାମତ ଦେବା ପାଇଁ ସବିନୟ ଅନୁରୋଧ  । 

ମାଆ କହେ  “ମୁଁ  ଆଜି ଅଶାନ୍ତି ଅଛି”

 ଷଡୋପଚାରେ ପୂଜା କରିଛି

 କସ୍ତୁରୀ ଚନ୍ଦନ  ତୋ ପାଦେ ଲେପିଛି

  ଗୋଗୁଳ କର୍ପୂର ଧୁପ ଦେଇଛି.

  ମାଆ, କାହିଁକି ତୋ ମୁହଁ ଶୁଖି ଯାଇଛି

ମାଆ କହେ  “ମୁଁ  ଆଜି ଅଶାନ୍ତି ଅଛି” । ।

  ରେଶମୀ ଜରିର ଚିକ୍ ମିକ୍ ଶାଢୀ,

 ଗଳାରେ ଦୟଣା ମାଳ ଲମ୍ବିଛି.

ଶିରେ ଶୋଭାପାଏ  ରୂପାର କିରିଟୀ

 ଚୁମିକି ଚାନ୍ଦୁଆ ବେଢି ରହିଛି,

ମାଆ, କାହିଁକି ତୋ ମୁହଁ  ଅସୁନ୍ଦର ଲାଗୁଛି ।

ମାଆ କହେ, “ମୁଁ  ଆଜି ଅଶାନ୍ତି ଅଛି” । ।

ଆରିଶା , ଦୁଗ୍ଧର ଲଡୁ ବାଢିଛି, 

ଅଷ୍ଟୋତର ଶତ ମନ୍ଦାର ମାଳ ଲମ୍ବାଇ;

ମାଆ! କାହିକି ତୋ  ବେଶ ଅଧୁରା ଲାଗୁଛି?

ମାଆ କହେ, “ମୁଁ  ଆଜି ଅଶାନ୍ତି ଅଛି” । ।

ହୃଦ ସିଂହାସନେ ନିତି ବସାଇ,

ଆଖିର ଲୁହରେ ଦୀପ ଲଗାଇ

ଧ୍ୟାୟୀଥିବୁ ସଦା, ଜଗତ ହିତେ

ଋହିଥିବି ଧନ, ତୋହରି ପାଶେ,

ମାଆ ମୁହିଁ;ତୁ ମୋ ଗଳାର ହାର.

ମୁଁ ସଦା ତୋର ପାଶେ ରହିଛି

ମାଆ କହେ, “ମୁଁ  ଆଜି ଖୁସିିରେ ଅଛି” । ।

ମାତୃମୟ ବିଶ୍ୱ ସଦା ଭାବିବୁ,

ଦୁଃଖିନୀ ମାଆର ସେବା କରିବୁ,

ଦେବୀ, ନାରୀ କେହି ନୁହଁନ୍ତି ଭିନ୍ନ,

ଆଜି ଏ ଦୁନିଆଁ ଭୁଲି ଯାଇଛି ।

ଧନ! “ମନେ ରଖିଥା” ମୁଁ କଥା ଦେଉଛି । ।

ସାଧାରଣ ସଂପାଦକ:ଉଦୟ ଭାନୁ,ଭୋଦଳ,ପାଟସୁନ୍ଦରପୁର,କଟକ,ସଂପର୍କ:୯୨୩୮୫୮୯୧୦୦

ଜୟ ସାହିତ୍ୟ, ଜୟ ସମାଜ