ସୁରେନ୍ଦ୍ର ମିଶ୍ର
ମା ତୋରି ମମତା ତୋରି ସ୍ନେହ ସ୍ୱର୍ଗ ସମାନ
କୋଟି ପ୍ରଣାମ କରି ଦେଉଛି ମୋ ଅଜସ୍ର ସମ୍ମାନ ।
ତୋ ଆଦର୍ଶ ର ଶିକ୍ଷା ରେ
ସଂସ୍କାର ପାଇଛି ତୋ ଠାରୁ ଶିଖିଛି ,
ପ୍ରଥମ ଶବ୍ଦ ସେ ହେଉଛି ମା ମୋ ମା ।
ତୋ ବିନା ଅନ୍ଧାର ଏ ବିଶାଳ ଜଗତ
ତୋ ବିନା ନାହିଁ ମୋ ଅସ୍ତିତ୍ୱ,
ତୁ ମୋ ସବୁରି ଭାଷା ର ଏକା ସାହା ଭରଷା ।
ଯେଉଁ ଶବ୍ଦ ର ଆକାର ଆଉ ବିକାର ନାହିଁ
ସମସ୍ତ ଶବ୍ଦ ଆଉ ସମ୍ପର୍କ ରୁ
ଶୀର୍ଷ ରେ ସେ ହେଉଛି 'ମା ,
ମା ବୋଲି ଡାକିଦେଲେ
ପ୍ରତିଧ୍ୱନି ଖେଳିଯାଏ ମାଟିରୁ ଆକାଶ ଯାଏ,
ମାତ୍ର ସେ ଥାଏ ମୋ ଚେତନା ରେ
ସେ ଥାଏ ମୋ ବେଦନା ରେ,
ପୁଣି ସେ ଥାଏ ମୋ ପ୍ରାର୍ଥନା ରେ
ମୋ ସମଗ୍ର ସତ୍ତା କୁ ଆଲୋକିତ କରି ,
ପୃଷ୍ଠ ଭାଗରେ ଠିଆ ହୋଇଥିବା ଦେବୀ ଟିଏ
ତୋ କୋଳ ଛାଡିବା ପରେ ହିଁ
ଦେଖିଛି ଏହି ସତ ଆଉ ମିଛ ଦୁନିଆ କୁ ,
ତୋ ହାତ ଛାଡିବା ପରେ ହିଁ ଜାଣିଛି
ହସ ଲୁହ ର ଏ ବିଶାଳ ସଂସାର କୁ ,
ତୋ କାନି ଧରିବା ପରେ ହିଁ ଜାଣିଛି
କେତେ ମହତ୍ୱ ଯେ ସେ ପଣତ ର,
ତୋ ପାଦ ଛୁଇଁବା ପରେ ହିଁ
ଲାଗିଛି ଚଳନ୍ତି ଠାକୁର ମୋର💐💐💐
ସୁକୁନାଭଟା , ବଲାଙ୍ଗିର, ଓଡିଶା
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।