ସୁଶ୍ରୀ କଳ୍ପନା ପଣ୍ଡା
ମେଘ କବରୀରେ ସକାଳ ଶୋଇଛି
ମୁଦି ତା’ର ଦୁଇ ଆଖି ,
ଦରଭିଜା ମନେ କେମିତି ଜୀଇଁଛି
ଓଦା ଅନ୍ଧାର ହିଁ ସାକ୍ଷୀ ।
କୁଆଁରୀ ସଞ୍ଜରେ ଭାରି ମନେପଡ଼
ଖୋଜେ ଗଛ ପତରରେ
ମେଘ ସାଥେ ଆସି ମୋ' ଦେହ ଅଗଣା
ଛୁଇଁ ଯାଆନ୍ତନି ଥରେ !
ବିଜନ ରାତିରେ ଚୁପି ଚୁପି ଆସ
ମୋ' ସ୍ମୃତିର କବରୀରେ
ସୁଖର ନିଦ୍ରାରେ ଶୋଇ ମୁଁ ପଡ଼ଇ
ତୁମ ପ୍ରୀତି ପିଆଲାରେ ।
ତୁମେ ମୋ' ସକାଳ ତୁମେ ମୋର ସଞ୍ଜ
ତମେ ମୋ' ଖିଆଲି ରାତି
ଧାରା ଶ୍ରାବଣରେ ଖୋଜେ ନିରନ୍ତରେ
ତୁମରି ଉଷୁମ ତାତି ।
କଚେରୀ ଗାଁ , କବୀରପୁର , ଯାଜପୁର
୭୫୫୦୦୯
ସମ୍ପର୍କ 📱୯୩୪୮୯୭୭୨୦୧
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।