ପ୍ରଥ ଭ୍ରଷ୍ଟ ନେତା ବିକଳ ଜନତା
ଲାଭ ପାଏ ଚାଟୁକାର
ବିକାଶ ନାମରେ ଆତ୍ମସାତ ହୁଏ
ଗରିବର ଅଧିକାର ।
ମନ୍ତ୍ରୀ ଠାରୁ ଯନ୍ତ୍ରୀ ସବୁଠି ଦୁର୍ନୀତି
ନାହିଁ ତା'ର ପ୍ରତିକାର
ଫାଇଲି ଘୁଞ୍ଚେନି ଅର୍ଥ ବିନା ଏଠି
ଅଫିସରେ ପଛେ ମର ।
ଲୋକ ପ୍ରତିନିଧି ନାମକୁ ମାତର
ମିଛ ପ୍ରତିଶ୍ରୁତି ଦେଇ
ବିଶ୍ୱାସରେ ବିଷ ଭରନ୍ତି ଅଚିରେ
ଖାଲି ନିଜ ସ୍ବାର୍ଥ ପାଇଁ ।
ଦୋମୁଣ୍ଡିଆ ନୀତି ତାଙ୍କରି ପ୍ରକୃତି
ଜନତା ଭୋକୁଆ ହୁଏ
ଅଣ୍ଟି ଭରିବାକୁ ତଣ୍ଟି ଚିପି ଦେବେ
ଏଥିରେ ସନ୍ଦେହ ନୁହେଁ ।
ଉପରେ ବିନୟ ଅନ୍ତରେ କଟୁରୀ
ପାଣିରେ ପକାଇ ସର
ମଧୁର ବଚନ କୁହନ୍ତି ଛଳରେ
ସତେ କି ସର୍ବେ ନିଜର ।
ସାନ୍ତରା ପଲ୍ଲୀ - କନିଆରି - ଗଞ୍ଜାମ
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।