ଉଷାରାଣୀ ପଣ୍ଡା
ମନ୍ଦକର୍ମ ଫଳେ ମାୟାର ଅନଳେମଉଳିଲା ସବୁ ଆଶା ,
ମର୍ମ ବେଦନା ମୁମୂର୍ଷୁ ଯାତନା
ମର୍ଦ୍ଦ କଲା ଅହଂ ନିଶା ।
ମରଣ ମୁହୂର୍ତ୍ତ କରୁଛି ସ୍ବାଗତ
ମୁର୍ହୁଃମୁର୍ହୁଃ ହେଲା ପ୍ରାଣ ,
ମାନ ଅଭିମାନ ଯଶ ସନମାନ
ମାଟି ଦେହେ ହେବ ଲୀନ ।
ମୋ ଅର୍ଜିବା ଫଳ ଚଲାପଥେ ଠୁଳ
ମଉନେ ବାଉଳା ମନ ,
ମାୟା ର କଳିକା ହେଲା ବିଭୀଷିକା
ମରୀଚିକା ହେଲା ଧନ ।
ମର୍ତ୍ତ୍ୟେ ଧନଅର୍ଜି ଗାରିମାରେ ମଜ୍ଜି
ମୁଖେ ଭରି ଗର୍ବ ଭାରୀ ,
ମହାମେଘ ସମ ଆସୁଅଛି ଯମ
ମୃତ୍ୟୁ ଫାଶଦଣ୍ଡ ଧରି ।
ମଦନମୋହନ ପ୍ରଭୁ ଆର୍ତ୍ତତ୍ରାଣ
ମନ୍ଦରଧର ଶ୍ରୀହରି ,
ମହିମା ପୁରୁଷ ଆହେ ମୁଞ୍ଜକେଶ
ମନ୍ଦକର୍ମ ନିଅ ହରି ।
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।