ଉଦୟ ଭାନୁ

  ଲିପ୍ସା ଗିରି

                  ପୂର୍ବ ଦିଗରୁ ଗିରି ଶିଖରରୁ ଭାନୁର ଉଦୟ ହୋଇ ସାରିଛି । ସେହି ଉଦିତ ଭାନୁର କିରଣ ବିଛୁରିତ କରି ସାରିଛି ସମଗ୍ର ମନୁଷ୍ୟ ଜଗତକୁ । କାବ୍ଯ ଜଗତର କବି ମାନଙ୍କୁ  ଓ ଲେଖକ ଜଗତର ଗାଳ୍ପିକ ଓ ଔପନ୍ୟାସିକ ତଥା ପ୍ରାବନ୍ଧିକ ମାନଙ୍କୁ ଏବଂ ଆଉ କେତେକ ସୁଲେଖକ ମାନଙ୍କୁ ଆହ୍ଲାଦିତ କରି ସାରିଛି । ଉଦିତ ଭାନୁର ଅପେକ୍ଷାରେ ରହି ତାହାର ଉପସ୍ଥିତି ମାତ୍ରକେ ଯେପରି ପୁଷ୍ପମାନେ ସବୁ ପ୍ରଷ୍ଫୁଟିତ ହୋଇଥା'ନ୍ତି ; ସେହିପରି ନୂତନ ପ୍ରଭାତର ଆରମ୍ଭରେ ନୂତନ ସକାଳକୁ ନେଇ କୋମଳ ହୃଦୟଟିକୁ ମୋର କାବ୍ୟ ଜଗତକୁ ନେଇ ଯାଇ ମୋର କ୍ଷୁଦ୍ର ମସ୍ତିଷ୍କରେ କବିତାଟିଏ ଅଙ୍କୁରିତ ହୋଇ ସାରିଛି ।  

ପୂର୍ବ ଦିଗରୁ ଭାନୁର ଉଦୟ 

ଗିରି ଶିଖରରୁ ଆସେ

ସୁନେଲି କିରଣ ବିଛୁରିତ ହେଲେ

ପଦୁଅଁ ଫୁଲଟି ହସେ ।

ଉଦିତ ଭାନୁର ହୃଦୟ ଉଦାର 

ସକଳ ଶକ୍ତିକୁ ନେଇ

ମୁଠା ମୁଠା ସ୍ବପ୍ନ ସତ ହେବା ଲାଗି

ପ୍ରଭାତ ଆସଇ ଧାଇଁ  ।

ସାହିତ୍ଯ ଜଗତ ସମ୍ଭାର ହୋଇବ

ଲେଖନୀ ମୂନରେ ରହି

ହୋଇଛି ଏପରି ଭାନୁର ଉଦୟ 

ସେ ଭାନୁର ଅସ୍ତ ନାହିଁ  ।

ସାହିତ୍ୟକମାନେ ଯେଉଁ ଠାବେ ଥାଅ                    

ପ୍ରେରଣ କରନ୍ତୁ ଲେଖା

ସମୃଦ୍ଧ ହୋଇବ ସାହିତ୍ଯ ଜଗତ 

କର ନାହିଁ ଅଣଦେଖା ।

ଉଦୟ ଭାନୁ ତା' ଦୃଢ ଶକ୍ତି ନେଇ

ଆସିଛି ଓହ୍ଲାଇ ମର୍ତ୍ତ୍ୟେ

ମହୀ ମଣ୍ଡଳରେ ସାହିତ୍ୟ ରଚିବ

ଆନନ୍ଦ ଆସିବ ଚିତ୍ତେ  ।

ବାଜପୁର, କୃଷ୍ଣନଗର ପାଟଣା, 

କାକଟପୁର (ପୁରୀ)

ଜୟ ସାହିତ୍ୟ, ଜୟ ସମାଜ