କଣ୍ଡୁରୀ ଚରଣ ରାଉତ
ମନେ ପଡେ ମୋର ସପନ ବିଭୋର
ହସହସ ଛଳଛଳ
ଶୀତୁଆ ରାତିରେ ବୋଉର କୋଳରେ
ଏକ କରିବାର ବେଳ ।
ମନେ ପଡେ ମୋର କୋଳେଇ କାଖେଇ
କଅଁଳେଇ ବାଆଁରେଇ
ମଜା କଥା କହି ଜହ୍ନକୁ ଦେଖେଇ
ବୋଉ ମୋ ଦିଏ ଖୁଆଇ ।
ମନେ ପଡେ ମୋର ବୋଉ ଗାଳି କଥା
ରାଗିକି ଉଠାଏ ହାତ
ମାଡ ନ ମାରି କି ବୁଝେଇ ସୁଝେଇ
ଖୁଅାଏ ବଳେଇ ଭାତ ।
ମନେ ପଡେ ଆଜି ବୋଉ କଥା ମୋର
ହୃଦୟରେ ଭରେ କୋହ
ସିଏ ନାହିଁ ଆଉ ମନେ ପଡିଗଲେ
ବୋଲ ମାନୁନାହିଁ ଲୁହ ।
***
ଶିକ୍ଷକ - ସତ୍ଯବାଦୀ ଉଚ୍ଚବିଦ୍ୟାଳୟ
ଧଣ୍ଡାମାଳ,ଦେଓଗାଁ,ବଲାଙ୍ଗିର
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।