ପୁଷ୍ପଲତା ମହାପାତ୍ର
ଦୁନିଆ ଦୁଇଟି ନିଆଁ ,
ଜନମେ କହିଲେ କୁଆଁ
ଜଳିବ ଖୁସିର ନିଆଁ ।
ସମସ୍ତେ ,ବାଛି ଦେବେ କେତେ ନାଆଁ ,
ବଣ୍ଟାବଣ୍ଟି ହେବ କେତେ ମିଠା-ମୁଆଁ,
ଭୋଜିଭାତ ଖିଆପିଆ
ସିଏ ଗଢିବ ଏଇ ଦୁନିଆ ।
ରଖିବ ତା 'ବାପର ନାଆଁ
ଲୋକେ ବୋଲିବେଟି ଆହାଃ !
ତୋତେ ଠାକୁରେ ହୁଅନ୍ତୁ ସାହା ,
କେବେ ନହେଉ ଖଣ୍ଟ ମିଛୁଆ ।
ଗୋବର ପାଣିକୁ ଖଇ ଲିଆ
ପଛରେ ପଡୁଛି କିଆଁ ?
କୋକେଇରେ ପୁଣି ହୁଏ ବୁହା,
ଉଠୁଛି ଶ୍ମଶାନେ ତାର ଧୂଆଁ ।
ଛ' ଖଣ୍ଡ କାଠର ନିଆଁ
ଜାଳିଦେଲା ତା'ର ହିଆ ;
ମିଛ ମାୟା ଏ ଦୁନିଆଁ ,
ଜନମେ-ମରଣେ ନିଆଁ ,
ଦୁନିଆଁ ଦୁଇଦିନିଆଁ ।
କଳାପଥର,ବାଙ୍କୀ,କଟକ
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।