ଦୀଲ୍ଲୀପ କୁମାର ରଣଜିତ୍
ଭାରତୀ ମାଆର ସୁରକ୍ଷାର ବୀର ରକ୍ତେ ଖେଳିଗଲ ହୋଲି
ମାଆ ମମତାର ପଣତ କାନିରେ
କର୍ତ୍ତବ୍ୟ କୁଙ୍କୁମ ବୋଳି
ତୋ ତ୍ୟାଗ ଛୁଆଁରେ ମାଟି ମା' ହିଆରେ
ବିଷାଦ ଯାଇଛି ଖେଳି
ଶହୀଦ୍ ତୁମଙ୍କୁ ଶତତ ନମନ
ଅନ୍ତରରୁ ଶ୍ରଦ୍ଧାଞ୍ଜଳି
ନିଜର ରକ୍ତରେ ମାଟି ମା' ମଥାରେ
ଆଙ୍କିଛ ବିଜୟ ଟିକା
ତୁମ ସାହସର ପରୀକ୍ଷା ପୃଷ୍ଠାରେ
ନାହିଁ ହେଲେ ଟିକେ ଶଙ୍କା
ନିଜତ୍ଵର ସେହି ସେନେହ ବେଳାକୁ
ଦେଶ ଆଜି ହୁଏ ଭାଳି
ଶହୀଦ୍ ତୁମଙ୍କୁ ଶତତ ନମନ
ଅନ୍ତରରୁ ଶ୍ରଦ୍ଧାଞ୍ଜଳି
ବୀର ମାଗେ ନାହିଁ ମୁକତିର ବର
ମାଗିଥାଏ ବୀରଗତି
ବୀର ଭଳି ଜୀଏଁ ବୀର ଭଳି ମରେ
ବୀରତ୍ଵ ତା' ପୂଜା ଭକ୍ତି
ତବ ଭକ୍ତି ପାଶେ ବଳିଦାନ ଝାସେ
କାଳ ଦିଏ କୀର୍ତ୍ତି ଢାଳି
ଶହୀଦ୍ ତୁମଙ୍କୁ ଶତତ ନମନ
ଅନ୍ତରରୁ ଶ୍ରଦ୍ଧାଞ୍ଜଳି
ଶରୀରଟି କ୍ଷୟ ଆତ୍ମାଟି ଅକ୍ଷୟ
ଏହା ଧର୍ମ ଶାସ୍ତ୍ର ବାଣୀ
ନୂଆ ରୂପ ନେଇ ମାଟି ମାଆ ପାଇଁ
ଫେରିଆସ ବୀର ପୁଣି
ମାଟି ମା' କୋଳକୁ ଫେରି ଆସିବାକୁ
ଚରଣରେ କରେ ଅଳି
ଶହୀଦ୍ ତୁମଙ୍କୁ ଶତତ ନମନ
ଅନ୍ତରରୁ ଶ୍ରଦ୍ଧାଞ୍ଜଳି
ସା-ବିଶିଆପଡା,ପୋ-ତିରିମଲ
ଭାୟା/ଥାନା-ଜଟଣୀ-ଖୋର୍ଦ୍ଧା
୭୫୨୦୫୦ଓଡ଼ିଶା
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।