ଭୋଟର ମୂଲ୍ୟ

ସତ୍ୟଜିତ ସ୍ଵାଇଁ

ନୋଟ ନେଇ ଦିଅନାହିଁ ଦେଶବାସୀ                                                             ଏଥର ତୁମର ଭୋଟ 

ନହେଲେ ନେତାଏ ଦେଇ ଚାଲିଥିବେ, 

ତୁମର ଛାତିରେ ଚୋଟ  ||

ପଇସା ବାଣ୍ଟିକି ନିର୍ବାଚନ ଜିତି 

ଶାସନ କରନ୍ତି ଚୋର 

ଆମେ ପରା ନିଜେ ଆଖି ବୁଜି ତାଙ୍କ, 

ହାତରେ ଦେଇଛେ ଡୋର  ||

ଧନୀକୁ ଦିଅନ୍ତି ଗରିବଠୁ ନେଇ 

ଇଏ କି ବିଚିତ୍ର ନୀତି 

ଅସହାୟ ଏଠି ସାହାଯ୍ୟ ପାଉନି, 

ଅତି ଶୋଚନୀୟ ସ୍ଥିତି  ||

ଅନ୍ଧ,କାଲା,ମୂକ ପାଆନ୍ତିନି ଏଠି 

ସାହାଯ୍ୟରେ ଭରା ହାତ 

ନେତାଏ ଆନନ୍ଦେ ଖାଉଥା'ନ୍ତି ବସି,

ସେମାନଙ୍କ ହକ ଭାତ  ||

ଏତିକି ଗୁହାରି କରୁଛି ମୋ ଭାଇ 

ଆଜି ଗୀତ ଗାଇଗାଇ 

ପଇସା ନେଇକି ରାକ୍ଷସଙ୍କୁ ଭୋଟ, 

ଆଉ କେହି ଦିଅନାହିଁ  ||

ସୁନାଠାରୁ ଏଠି ମୂଲ୍ୟବାନ ଅଟେ                                   ତୁମରି ଭୋଟର ମୂଲ୍ୟ 

ନେତାଙ୍କ ପାଇଁକି ତୁମେ ଅଟ ପରା, 

ଏଠି ଭଗବାନ ତୁଲ୍ୟ  ||

ଅଡ଼ଶପୁର, କଟକ
ଜୟ ସାହିତ୍ୟ, ଜୟ ସମାଜ