ରମେଶ ଚନ୍ଦ୍ର ବହିରା
ଦେଖି ସେହି ଦୃଶ୍ୟ, ହୃଦ ବିଦାରିତ ନୟନୁ ଝରେ ଲୋତକ
ବର୍ଣ୍ଣି ହୁଏ ନାହିଁ, ଶବ୍ଦ ପାଏ ନାହିଁ
ଫୁଟେ ମୋ ଦେହର ରକ୍ତ ।
ଘୃଣା କରେ ସେହି ଆତଙ୍କବାଦୀଙ୍କୁ
ବର୍ବରତାପଣ ପାଇଁ
ଜାଗ ଦେଶବାସୀ ଜବାବ ଦେବାକୁ
ରକତ ଦେବା ବୁହାଇ ।
କେତେଦିନ ଏହି ଅମଣିଷପଣ ପ୍ରକାଶିବେ ବେଇମାନ
ଷଡଯନ୍ତ୍ର କରି ନେଉଥିବ ପ୍ରାଣ
ଭାତ୍ରୁଦ୍ରୋହୀ ପାକିସ୍ଥାନ ।
ସହିବାର ସୀମା ଟପି ସାରିଲାଣି
ଆଉ କରନାହିଁ ଡେରି
ଏବେଠୁ ସଜାଗ ହୁଅ ଦେଶବାସୀ
ଅହଂକାର ଦେବା ଜାଳି ।
ନିର୍ଦ୍ଦୋଷ ସୈନିକ ଜୀବନ ସଳିତା
ଅଦିନରେ ଲିଭି ଗଲା
କୋଣେ ଅନୁକୋଣେ ଶୋକର ଛାୟା
କ୍ଷଣିକରେ ଘୋଟିଗଲା ।
ଯେଉଁ ପ୍ରାଣବଳି ଦେଇଛି ସୈନିକ
ହମଲା ଶୀକାର ହୋଇ
ଭୁଲିବନି ଦେଶ, ନେବ ପ୍ରତିଶୋଧ
ତୁମ ଆତ୍ମା ମୁକ୍ତି ପାଇଁ ।
( ଆତଙ୍କବାଦୀଙ୍କ ହମଲାରେ ପ୍ରାଣବଳୀ ଦେଇଥିବା ଅମର ଶହୀଦଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି)
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।