ଜଗନ୍ନାଥ ଜେନା (ଶିକ୍ଷକ)
ଭୂଲ୍ ତ ମୁଁ କରିଗଲି ଏ ଜୀବନ ସାରା 
ମରୁଭୂମିରେ ଖୋଜିଲି ମନ୍ଦାକିନୀ ଧାରା ।
ଅମାବାସ୍ୟା ଆକାଶକୁ ମାଗିଲି ମୁଁ ଜହ୍ନ
କାଲ ଆଗେ ତୋଳିଲି ମୁଁ ସ୍ୱରର ଝଙ୍କାର
ଅନ୍ଧ ଆଗେ ଦେଖାଇଲି ରୂପର ସମ୍ଭାର ।
ଶତ୍ରୁ ଆଗେ କହିଗଲି ଯେତେ ଦୁଃଖ କଥା
ଜୀବନର ଯାହା କିଛି ଦୋଷ ଦୁର୍ବଳତା ।
ଡାମରା କାଉକୁ ରଖି ସୁନାପଞ୍ଜୁରୀରେ
ଶିଖାଇଲି ରାମ ରାମ କୃଷ୍ଣ କୃଷ୍ଣ ହରେ ।
ଥକି ଗଲି ସବୁଠାରେ ମୋର ପରାଜୟ
ଭୁଲ୍ ବୁଝିବା ବେଳକୁ ସରିଛି ସମୟ ।
କେନ୍ଦୁଝର
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।