ସତେ କି ଶିକ୍ଷିତ ଆମେ ?

ବୀରେନ୍‌ କୁମାର ବେହେରା 

ପାଠପଢି ସାର୍ଟିଫିକେଟ୍ ପାଇଲେ,
କି ଲାଭ ଅଛି ହେ କୁହ  ?
ଅନ୍ୟାୟକୁ ଯଦି ନ କଲ ବିରୋଧ,
ଧିକ ସେ ମଣିଷ ମୁହଁ ।।
ଭାବିଛ କି ତୁମେ ଶିକ୍ଷିତ ହୋଇକି,
ଦୁନିଆକୁ ଦେବ ଶିକ୍ଷା ।
ପର ଇଶାରାରେ ଭୂଲ୍ ଆଦରୁଛ,
ଇଏ ବା ତୁମର ଦୀକ୍ଷା ।।

                                                                                                                          ସ୍ୱାଧୀନ ହୋଇ ବି ନିଜ ଇଛା ବିକ,ତେଣୁ ତୁମେ ପରାଧୀନ ।

କେତେ ଆଉ ତୁମେ ଅନ୍ୟ ଇଶାରାରେ,

କାଟୁଥିବ ରାତିଦିନ  ?

ଯାହା ଇଶାରାରେ ପରାଧୀନ ହୋଇ,

ନିଜ ଇଛାକୁ ପାରୁଛ ଦଣ୍ଡି ।

ନିଜର ପେଟକୁ ଥରୁଟେ ପଚାର,

ସେ କି ତୁମ ଭାତହାଣ୍ଡି  ?

ସେ ଯଦି ନ ପୋଷେ ତୁମ ପରିବାର,

କାହିଁକି ମାନୁଛ ତାକୁ ?

ନ୍ୟାୟ ସପକ୍ଷରେ ଯୁକ୍ତି କରି ତୁମେ,

ଥରାଇ ଦିଅ ତା' ବୁକୁ ।

ଶିକ୍ଷିତ ହୋଇକି ଅନ୍ୟାୟ ବିରୁଦ୍ଧେ,

ନ ଉଠାଅ ଯେବେ ସ୍ୱର ।

ତୁମଠୁ ଦୁନିଆ କ'ଣ ବା ଶିଖିବ,

ନିନ୍ଦୁକଙ୍କୁ କାହିଁ ଡର  ?

କଙ୍ଗାରୁ କୋର୍ଟରେ ନିରବ ରହିକି,

ନିଜକୁ ପଚାର ତୁମେ  ।

"ଅନ୍ୟାୟକୁ କରି ଗୁପ୍ତ ସମର୍ଥନ,

ସତେକି ଶିକ୍ଷିତ ଆମେ ?"

ପୋଷାଇ, ମହାକାଳପଡ଼ା (କେନ୍ଦ୍ରାପଡା)

ଫୋନ୍‌ ନମ୍ବର - ୭୦୦୮୭୯୩୬୬୩

email- beherabirenkumar65@gmail.com

ଜୟ ସାହିତ୍ୟ, ଜୟ ସମାଜ