ମାପ ଯନ୍ତ୍ର

ବସନ୍ତ କୁମାର ପଣ୍ଡା

ବାପାଙ୍କ ସାଥିରେ    ବଜାରକୁ ଥରେ    

            ବୁଲିବାକୁ ଯାଇଥିଲି

ପରିବା ହାଟରେ     କଣ୍ଟା ନିକିତିରେ

           ପନି ଆଣିଲେ ତଉଲି    l୧l

ତଉଲା ତଉଲି     ନୂଆ ମୁଁ ଦେଖିଲି

           ଜାଣିବାକୁ ଇଛାକଲି

ମନକୁ ବିଚାରି    ବାପାଙ୍କୁ ପଚାରି

           ଜାଣିବି ମନସ୍ଥ କଲି     l୨l

ତରଳ କଠିନ   ପଦାର୍ଥ ଓଜନ

           ଯନ୍ତ୍ର କଥା ପଢ଼ିଥିଲି

ଅନ୍ୟାନ୍ୟ ପଦାର୍ଥ    ମାପିବା ସମର୍ଥ

           ଯନ୍ତ୍ର ବିଷୟେ ପୁଛିଲି   l୩l

'ସିଜ୍ମୋମିଟର୍'      ତୀବ୍ରାଲୋକର

           'ଥର୍ମୋମିଟର୍' ତାପ

'ମ୍ୟାନୋମିଟର୍'    ଗ୍ୟାସୀୟ ଘନତ୍ଵ

          'କମ୍ପାସ୍' ଦିଗର ମାପ    l୪l

'ଅଲ୍ଟିମିଟର୍'           ଉଚ୍ଚତା ସୂଚାଏ

        'ଏମିଟର୍' ବିଦ୍ଯୁତ୍ ଧାର

'ଫୈଦୋମିଟର୍'    ବ୍ୟବହାରେ ମପା

         ଯାଏ ଗଭୀର ସାଗର    l୫l

'ଆନିମୋମିଟର୍'   ବାୟୁବେଗ ଆଉ

        'ବ୍ୟାରୋମିଟର୍' ବାୟୁଚାପ

'ଜାଇରୋସ୍କୋପ୍'ଯେ ବସ୍ତୁ ଗତି ପାଇଁ

       'ରେନ୍-ଗେଜ୍' ବର୍ଷାମାପ    l୬l

'ବାଇନାକ୍ୟୁଲାର୍'  'ଟେଲିସ୍କୋପ୍' ଧରି

         ଦୂରସ୍ଥ ବସ୍ତୁ ଦେଖିବା

'କ୍ୟାପିଲର୍ସ' ଏକ   ମାପକ ଯନ୍ତ୍ର ଯେ

         ଦୂରବସ୍ତୁ ସ୍ଥିତି ଜାଣିବା  l୬l                                          

'ରାଡାର୍' ଯନ୍ତରେ   ବାୟୁ ଯାନ ସ୍ଥିତି

          'ଫଟୋମିଟର୍' ଉଜ୍ଜଳତା

'ରେଡିଓମିଟର୍'       ବିକିରିତ ଉର୍ଜା

          ପ୍ରଶ୍ନ ମାପେ ବିଦ୍ଵାନତା  l୭l

'କ୍ୟାଲୋରୀମିଟର୍'  ଉଷ୍ମ ମାପନେ

      'କମ୍ୟୁଟେଟର୍' ବିଦ୍ୟୁତ୍ ଦିଗ

'ଏକ୍ଟିୟେମିଟର୍'      ରଶ୍ମି ମାପନେ

      'କାର୍ଡିୟୋ'    ହୃଦୟବେଗ   l୮l

ମାପିବାକୁ ଯନ୍ତ୍ର    ବିଜ୍ଞାନର ମନ୍ତ୍ର

      ଅଛି ଅନେକ ଆହୁରି

ବାପାଙ୍କୁ ଅଜଣା  କହିଦେଲେ ଜଣା

      ଶିକ୍ଷକୁଁ ଜାଣିବି ପଚାରି    l୯l

                  -0-

           

  ବଇଞ୍ଚା,ଇରମ,ଭଦ୍ରକ

ଜୟ ସାହିତ୍ୟ, ଜୟ ସମାଜ