ପ୍ରେମଶିଲା ରାଉତ
ମନଲୋଭା ବର୍ଷା ଶବ୍ଦ
ଦେଖି ସତେ ମନେ ହସ ଖେଳିଯାଏ
ଦୂର ହୋଇଯାଏ କ୍ରୋଧ ।
ଝିପି ଝିପି ତା'ର ଟୋପାର ଛୁଆଁରେ
ମନୁ ହଜିଯାଏ ଦୁଃଖ
ଭୁଲି ହେଇଯାଏ ମୁହୂର୍ତ୍ତକ ପାଇଁ
ଯନ୍ତ୍ରଣା ଦାୟକ ଭୋକ ।
ମେଘମଲ୍ଲାର ସାଙ୍ଗେ ଆସେ ବିଜୁଳି
ଆସଇ ବରଷା ରାଣୀ
ତା' ସାଥେ ନେଇ ଆସିଥାଏ ସତେ
ଖୁସିର ସବୁଜ ମଣି ।
ଆଗମନେ ତା'ର ମୟୂର ନାଚଇ
ନାଚେ ଏ ବିଶ୍ଵ ଜଗତ
ଗଛ ଲତା ନର ପଶୁ ପକ୍ଷୀ ଯାଏଁ
ତା' ସାନ୍ନିଧ୍ୟରେ ପୂରିତ ।
ବିନ୍ଦୁ ବିନ୍ଦୁ ହୋଇ ଆକାଶରୁ ବର୍ଷା
ଖସି ପଡ଼ଇ ଭୂଇଁରେ
ସୁନ୍ଦର ଦିଶେ ଏ ମନଲୋଭା ଦୃଶ୍ୟ
ଦେଖି ଏ ମାଟି ହସେରେ ।
ମହମହ ସେଇ ମାଟିର ବାସ୍ନାରେ
ଗାଁ ଦାଣ୍ଡ ଦୂଆର ବାସେ
ବର୍ଷା ଆଗମନେ କୃଷକ ଭାଇଟି
ମନ ଖୋଳି କରି ହସେ ।
ଛୋଟ ଛୁଆଙ୍କର ଗହଳି ଲାଗଇ
ଡଙ୍ଗାଭସା କାଦୁଅରେ
ଖେଳିଥା'ନ୍ତି ସତେ କେତେ ଯେ ଖେଳ
ମନ ଖୋଲି ବରଷାରେ ।
ନାଚି ଗାଇ ଖେଳି ଆନନ୍ଦ ନିଅନ୍ତି
ବରଷାର ଆଗମନେ
ସୁଖ ସରାଗରେ ତ ଦିନ କାଟନ୍ତି
ଆକାଂକ୍ଷାର ଉପବନେ ।
ସବୁଜ ସୁନ୍ଦର ଦିଶଇ ସତରେ
ଲାଗେ ଭାରି ମନଲୋଭା
ଉପଭୋଗ କରି ପ୍ରାଣ ହୁଏ ଶାନ୍ତ
ପାଇ ତା' ଅମୃତ ଆଭା ।
ବର୍ଷାର ପରଶେ ପ୍ରତିଟି ଜୀବନ
ହୁଅଇ ସୁଖର ମଣି
ସେଥିପାଇଁ ପରା ଧନ୍ୟ ଏକା ସିଏ
ସମସ୍ତେ ତା' ପାଖେ ଋଣି ।
ଗ୍ରାମ - ବୃନ୍ଦାବାହାଲ
ବ୍ଲକ୍ - ଗୋଲମୁଣ୍ଡା
ଜିଲ୍ଲା - କଳାହାଣ୍ଡି
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।