ପିତୃ ଦିବସର ଅନୁଚିନ୍ତା

ବ୍ୟଙ୍ଗ ଗୋସେଇଁ ଅମ୍ଳାନ ପ୍ରହରାଜ

ମୋ ବାପାଙ୍କୁ ସିନା      ମୁଁ ଡରୁଥିଲି
 ମୋତେ ଦେଖି ଜମା ଡରୁନି ପୁଅ ।
ପଚାରିଲେ କହେ   କାହିଁକି ଡରିବି
ତମେ ମୋର କୋଉ କାମକୁ ନୁହଁ ll
ମୋଟ୍ର ସାଇକେଲ     କିଣିବା କହିକି
  କିଣି ଆଣିଦେଲ ଟିଭିଏସ୍ ଲୁନା l
ସେଇଥିରେ ଚଢ଼ି      ଗାଆଁ ଗାଆଁ ବୁଲି
    ବିକିବି କୁହ କି ମାଣ୍ଡିଆ ଚୁନା ?
 ଫୋର ଜି ଫୋଅନ   ଆଣିବା ବଦଳେ
   ମୋତେ ଦେଇଅଛ ଟୁଉ ଜି ସେଟ l
ସେଥିରେ ତ ଜିଓ     ନେଏଟ ଚାଲୁନି
  କେମିତି କରିବି ହ୍ବାଟ୍ସଆପ୍‌ ଚାଟ  ll
ବୋଉ ମୋର ଭଲ  କରେ ଭାରି ଗେଲ
     ଲୁଚେଇ କି ଦିଏ ଟିଫିନ ଟଙ୍କା l
ଟଙ୍କା ଦେବା କଥା  ନାଆଁଟା ଶୁଣିଲେ
  ତୁମ ମୁହଁ ହୁଏ ଧାନୁଆ ଲଙ୍କା ll
କାମରୁ ଫେରିଲେ  ଗରଗର ହୋଇ
  ଚଢି ଯାଉଅଛ ୟା' ତା' ପରେ l
ପାଠ ପଢିବାକୁ  ସବୁ ବେଳେ କୁହ
  ମୁଁ ମଣିଷ ନା ମେସିନ୍‌ଟା କିରେ ?
ତମ ଯୋଗୁ ବାପା  ସାଙ୍ଗ ଗୁଡା ମୋତେ
      ଚିଡ଼ାଉ ଅଛନ୍ତି ନାଲିଆ ଚୁଡ଼ା l
ଥଟ୍ଟାରେ କୁହନ୍ତି  ବୋଝ ବୋହି ବୋହି
 ବାପା ତୋର ଗୋଟେ ନିପଟ ହଡା ll
ସବୁ କଥା ଶୁଣି       ପୁଅ କୁ କହିଲି
  ବାପା ହେଲେ ଯାଇ ବୁଝିବୁ ବଳେ l
ସେ ଦିନଟା ତୋର   ପାଖେଇ ଆସୁଚି
  ଜାଣିଯିବୁ ଟଙ୍କା କୋଉଠି ଫଳେ ll
   
ଡ଼ିଆ - ନିରାକାରପୁର - ଖୋର୍ଦ୍ଧା
ଜୟ ସାହିତ୍ୟ, ଜୟ ସମାଜ