ଜୟଦେବ ସେନାପତି
ଦିନ ପରେ ଦିନ ମାସ ପରେ ମାସ
ଗଡିଯାଏ କେତେ ବରଷ ,
ଦୁଃଖ ଆସେ ମାଡି ସୁଖ ଯାଏ ସରି
ଲିଭିଯାଏ ମନୁ ହରଷ ।
ଦୁଇ ଦିନ ଏହି ମଣିଷ ଜୀବନେ
ଖୋଜୁଛି ଆରମ୍ଭ ଶେଷ,
ରାତି ପାହିବାକୁ ଆଉ ଅଳପ ବାକି
ଚାଲିଲାଣି ମୋ କ୍ଷୀଣ ନିଶ୍ୱ।ସ ।
ପକ୍ଷୀମାନେ ଯେଝା କରମ ସାରିଣ
ଫେରିଲେଣି ତାଙ୍କ ନୀଡ,
ସମୟଟା ଏବେ ସଂକେତ ଦେଲାଣି
ବେଳ ହେଉଛି ଉଛୁର ।
ପଶ୍ଚିମ ଦିଗରୁ ଅସ୍ତଗାମୀ ରବି
ଡାକିଲେଣି ହାତ ଠାରୀ,
ଅଦୃଶ୍ୟ ପୁରରୁ ନିରବରେ କେହି
ଶୁଣେ ସବୁ କାନ ଡେରୀ ।
ସୁରୁଜ ଡୁବିବ ଦିନ ସରିଯିବ
ଅନ୍ଧାର ଆସିବ ମାଡି,
ଶରୀର ମନ୍ଦିର ଶୂନ୍ୟ ହୋଇଯିବ
ଆତ୍ମା ଯିବ ଯେବେ ଛାଡି ।
ଶିକ୍ଷକ,ବିଷ୍ଣୁପୁର ୟୁ.ଜି.ଏମ୍.ଇ ସ୍କୁଲ୍ ।
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।