ମାତୃଭାଷା ମାଆର ମମତା

ପ୍ରଦୀପ କୁମାର ସାହୁ

ପଢ଼ି ଦେଲେ ପାଠ ହୁଏ କି ଶିକ୍ଷିତ

                       ବ୍ୟବହାର ନାହିଁ ଜଣା ,     
ଅମଣିଷ ବୋଲି ସଭିଏଁ କୁହନ୍ତି
                      ସଂସାରରେ ହୁଏ ଗଣା  l
ଭାଷା ଜ୍ଞାନ ନାହିଁ ସେ କାହୁଁ ଜାଣିବ
                                 ସାହିତ୍ୟିକ ବୋଲାଇବ ,
ଜଗତେ କେବଳ ଜନ ହସିବେ ତ
                                    ସୁରକ୍ଷା କାହୁଁ ବୁଝିବ  l           
କବି କବୟିତ୍ରୀ ହୁଅ ଧୀର ମତି
                                  ଭାଷାକୁ ସମ୍ନାନ ଦିଅ ,
ହେବ ଅଗ୍ରଗତି ଭାଷା ହିଁ ସମ୍ପତ୍ତି
                                  ଅଵିଵେକୀ ତ ନ  ହୁଅ  l
ଉତ୍କଳ ମାଟିରେ ଜନମ ହୋଇଛ
                                  ମାତୃଭାଷା ତହୁଁ ଶିଖ ,
ମାତୃଭାଷା ପରା ଅମୃତର ଝର
                                ପାନ କରି ତାକୁ ଚାଖ  l
ମାତୃ ସ୍ତନୁ ଯେହ୍ନେ ଝରଇ ଅମୃତ
                                  ମାତୃଭାଷା ସେହିପରି ,
 ପାନ କର ଆହେ କବି କବୟିତ୍ରୀ
                                      ଭୋକ ଶୋଷ ଯିବ ମରି  l
ଜୀବନଟି ତବ ଧନ୍ୟ ହୋଇଯିବ
                                  ମାତୃଭାଷା ପାନ କରି ,
ତେବେ ଯାଇ ତୁମେ ମାଆର ମମତା
                                       ବୁଝି ଯିବ ଆପେ କରି  ।

ସରସରା-ବୌଦ୍ଧ
ସେଲ୍‌ ଫୋନ୍‌ -୮୬୫୮୧୦୯୩୭୧
ଜୟ ସାହିତ୍ୟ, ଜୟ ସମାଜ