ସ୍ବାଧୀନତା ଦିବସର ଛବି

ସଦାନନ୍ଦ ସାହୁ

ଇତିହାସ କହେ  ସ୍ମୃତି ଅବକାଶେ
        ପରାଧୀନ ଦୁଃଖ ଗାଥା ,
ଗୋରା ସାଶନର  କ୍ରୁରତା  ଭୀଷଣ
       ନଇଁ ପଡିଥିଲା  ମଥା  ! !

ଖଣ୍ଡ ବିଖଣ୍ଡିତ ଥିଲା  ଏ'ଭାରତ
       ଦୁର୍ବଳତା  ଥିଲା ଭରି ,
 ଦେଶୀୟ ରାଜାଙ୍କ କଳହ କନ୍ଦଳ
    ବିଦେଶୀଙ୍କୁ  ଦେଲା ଡୋରି !!

ଗୋରା ଇଂରେଜୀଟା କବ୍ଜା କରିନେଲା
       ସ୍ଵର୍ଣ୍ଣମୟୀ  ଭାରତୀକୁ  ,
ଅତୁଲ୍ୟ ଭାରତ  ହେଲା ହୀନିମାନ
      ଫାଟିଗଲା ତା'ର ବୁକୁ  !!

ନିର୍ଯାତନା ଭାର ହେବାରୁ  ଅସହ୍ୟ
     ଜାଗିଲେ  ଭାରତ ବାସୀ ,
ଦୀର୍ଘକାଳ ଧରି ଏ'ଗୋରା ବେପାରୀ
    ଅନ୍ୟାୟ  କଲେଣି  ବେଶି ! !

ଏକ' ମନ ହୋଇ  ତଡ଼ିବା ବିଦେଶୀ
         ସ୍ଵାଧୀନତା ହେଵ ପ୍ରାପ୍ତ ,
ଗୋରା ସାଶକର  ହେବାନି  ଗୋଲାମ
    ସାଜିବାତ  ଦେଶ  ଭକ୍ତ  ! !

ଅଦ୍ଭୁଦୟ ହେଲା  ଜାତୀୟ ଏକତା
       ଗାନ୍ଧୀ ମହାତ୍ମାଙ୍କ  ପାଇଁ ,
କେତେ ମାନ୍ୟଗଣ  ମହାନ ପୁରୁଷ
 ସ୍ଵେଚ୍ଛାରେ  ଆସିଲେ  ଧାଇଁ  ! !

ସୁବାଷ ବୋଷ    ତୀର୍ଯ୍ୟକ  ପୁରୁଷ
        ସ୍ଵାଧୀନତା   ସୁତ୍ରଧର ,
ବଲ୍ଲଭ ପଟେଲ   ସଂହତି ସ୍ଥାପକ
   ବୈପ୍ଳବିକ   ଯୋଗ୍ୟବୀର !!

ବାଲ ଗଙ୍ଗାଧର    ଚେତନାର ଦ୍ଵାର
      ବଖାଣିଲେ  ମାତୃ ପ୍ରୀତି ,
ଲାଲରାଜପତ    ସଂଗ୍ରାମ ନାୟକ
     ଅଭୁଲା ଏ'ସବୁ  ସ୍ମୃତି !!

ଅନ୍ଧକୂପ ଠାରୁ    ଜାଲିଓ୍ଵାନା ବାଗ
       ଇଂରେଜର ପାପକର୍ମ ,
କ୍ରୁର ବିଭିଷିକା    ଦୃଶ୍ୟ ସ୍ମରଣିକା
    ଇତିହାସେ ଯୋଡେ ଫର୍ଦ୍ଦ !!

ଅହିଂସାର ମାର୍ଗ  ବିଜୟ  ସଂକେତ
       ମହାନ ଆତ୍ମାଙ୍କ ବାଣୀ ,
ଏହି ସୁତ୍ରଧରି  ସର୍ବ ଦେଶ ବାସୀ
     ଏକାଠି ହୋଇଲେ ଜାଣି !!

ବହୁ ସଂଘର୍ଷରେ   ବିଜୟ ଲଭିଲେ
        ଆମରି  ଜନ ନାୟକ  ,
କେତେ ବଳିଦାନ  କଳ୍ପନା ଅତୀତ
       ବରପୁତ୍ର   ପୂଜ୍ୟସ୍ପଦ !!

ଉଣେଇଶ ଅଙ୍କ  ଶୁଭ  ପ୍ରଦାୟକ
       ସତଚାଳିଶି   ମସିହା ,
ଅଗଷ୍ଟ ମାସର    ପନ୍ଦର ତାରିଖ
      ଉଡିଲା ବିଜୟ  ଧ୍ଵଜା !!

ମାଆ ଭାରତୀର  ବିଜୟ  ଦିବସ
      ଉଡୁଛି  ତ୍ରିରଙ୍ଗା  ବାନା ,
ହେ'ଭାରତବାସୀ   ହସିଉଠ ଆଜି
        ମନକର ନାହିଁ ଊଣା !!

କାରା କର୍ମଚାରୀ
ମଣ୍ଡଳ କାରାଗାର,
ଚୌଦ୍ବାର,କଟକ
୭୯୭୮୫୧୭୯୯୮

ଜୟ ସାହିତ୍ୟ, ଜୟ ସମାଜ