ପ୍ରଶାନ୍ତ କୁମାର ଦାଶ
ତା ପାଇଁ ସୁନ୍ଦର ଏଇ ଆମ ଛୋଟ ଘର 
ପାଖେ ଥିଲେ ସିଏ କାହାକୁ ନଥାଏ ଡର ||
ହସିଦେଲେ ସିଏ ଖସିପଡ଼େ ସଜଫୁଲ
ତା ସେବା ମମତା ସେନେହର ନାହିଁ ତୁଲ||
ସୁଆଦିଆ ତାର ହାତରନ୍ଧା ଭାତ ଡାଲି
ଦୁଃଖ ବେଳେ ଦିଏ ସୁଖର ପସରା ମେଲି ||
ପରକୁ ଆପଣା ମଣିସେ କୋଳକୁ ନିଏ
ଗୀତ ଗପ କହି ମନକୁ ଭୁଲାଇଦିଏ ||
ଦୁଃଖ ସହି କରେ ଘରର ପାଇଟି ସବୁ
ତା ଯତନେ ଆମେ ଦିନେ ସୁନାପିଲା ହବୁ ||
କାନ୍ଧରେ ବସାଇ ଦେଖାଏ ସେ ଜହ୍ନ ତାରା
ଜର ବେଳେ ରହେ ଉଜାଗର ରାତି ସାରା ||
ପଣତ ଘୋଡାଇ ଗେଲକରେ କଲେ ଅଳି
ସେନେହ ଶରଧା ଆଦରତା ମିଠାଭଳି ||
ନମାନି ବରଷା ଶୀତ ଓ ଖରାର ତାତି
ସକାଳଠୁ ସଞ୍ଜ କାମରେ ଯାଏସେ ମାତି ||
ସେଇ ମୋର ମାଆ ବରଗଛ ତଳ ଛାଇ
ତା ପରି ଜଗତେ ଆପଣାର କେହି ନାହିଁ ||
କୁଞ୍ଜର ସଙ୍ଗଳାଇ
ପିପିଲି ପୁରୀ
Mobile -9668822190
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।