କାର୍ତ୍ତିକ ଚନ୍ଦ୍ର ଷଡ଼ଙ୍ଗୀ
ଧୂସର ମାଟିରେ ଜନ୍ମ ନେଲା ବେଳେ
ମୋ ଦେହଟା ଦିଶୁଥିଲା ଲାଲ
ଶେଷବେଳେ ବନ୍ଦିନୀ ମା' ବନ୍ଧନ ଖୋଲିବା ପାଇଁ
ରକତ ତକ ନଈ ଭଳିଆ ବହିଗଲେ
ପରବାୟ ନାହିଁ ।
ତାର ହସ୍ତ- ପଦରେ ଶୃଙ୍ଖଳ
ଶୃଙ୍ଖଳ ମତେ ଶଙ୍ଖୁଳିବାକୁ ବସିଛି
ନିଜକୁ ଉତ୍ସର୍ଗ କରିବି- ଆତ୍ମୋତ୍ସର୍ଗ ମୋର ଶେଷ ନିଶାଣ।
ତାପରେ ମତେ ଛାଡି ଚାଲି ଯାଉଥିବା ପବନର ସଂଘାତରେ ଶାନ୍ତି,
ସଂଘତି ଓ ଭାଇଚାରାର ବାର୍ତ୍ତା
ପ୍ରସରିଯିବ ଜାତୀୟ ଚିରାଳକୁ ଉଡାଇ ।
ବଳିଦାନରେ ବଳିଷ୍ଠ ହୋଇଥିବା ଦେଶ
ହୋଇପାରେନା ଦୁଃସ୍ଥ
ଶୃଙ୍ଖଳ ହସ୍ତକୁ କରିଛି ମଜଭୁତ
ଦେଶ ଗଢିବା ପାଇଁ
ପରପାଇଁ ଗାତ ଖୋଳିବାକୁ ନୁହଁ ।
ସ୍ୱାଧୀନତା ନିଜ ଅଧିନରେ ଅଛି
କିନ୍ତୁ ବିକ୍ରୀ ହୋଇ ଯାଉଛି ପ୍ରତି ମୁହୂର୍ତ୍ତରେ
ପରାନୁବାଦ, ପରାନୁକରଣ କୁ ଆବୋରି ନେବାରୁ ।
ବଳିଦାନ ବରଦାନ ନହୋଇ
ପାଲଟିଗଲା କାଳ ବଳାହକ
ଚ୍ଛିନହେଲା ଦେଶପ୍ରେମ ବଲ୍ଲକୀର ତନ୍ତ୍ରୀ ।
ବଲରା, ବିଳାସୁଣୀ, ନିଆଳୀ, କଟକ-୭୫୪୦୦୪.
ମୋ-୭୮୫୪୮୪୨୫୩୯.
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।