ଗାଆଁ ଆମର

ଅରୂପ କୁମାର ବିଶ୍ବାଳ

ଭାରି ସୁନ୍ଦର ଗାଆଁ ଆମର

ବନିଯାଇଛି ଆଜି ସହର,

ଅଚିହ୍ନା ଲାଗେ ରୂପ ତାହାର

ଯୁଗର ସାଥେ ତାଳ ଦେଇକି କେତେ 

ଆଗେଇଛି ଆଜି ଗାଆଁ ମୋହର ।

ଖୋଜିଲେ ମିଳେନି ଚାଳ ଛପର ।

ହୋଇଛି ଖାଲି କଙ୍କ୍ରିଟ୍ ଘର ।।

ଭାରି ସୁନ୍ଦର.......

ଏଠି ହୋଇଛି କଙ୍କ୍ରିଟ୍ ରାସ୍ତା

ମଦ ଠାରୁ ଏଠି କ୍ଷୀର ଶସ୍ତା,

ଦେଶି ଠାରୁ ବି ବିଦେଶୀ ସବୁ 

ଏଇଠି ମିଳେ କେତେ ପ୍ରକାର ।

ଛୁଟୁଛି ସୁଅ ନାଲି ପାଣିର ।

ନିଶାରେ ଗାଆଁ ଆଜି ଅସ୍ଥିର ।

ଭାରି ସୁନ୍ଦର..........

ଭାଗବତ ଟୁଙ୍ଗି ନାହିଁ ଗାଆଁରେ

ସମସ୍ତେ ବ୍ୟସ୍ତ ମୋବାଇଲରେ ,

ଚାଷବାସ ନାହିଁ ପଡିଆ ପଡିଛି

ବିଲବାଡି ସବୁ ଆମ ଗାଆଁର ।

ଖେଳ ଚାଲୁଛି ରାଜନୀତିର ।

ଚାଲୁଛି ଏଠି କେତେ ବେପାର ।

ଭାରି ସୁନ୍ଦର-----------

କଥା କଥାକେ ଚାଲେ ବନ୍ଧୁକ ,

ମାଗଣା ପାଇଁ ବଢେ ସଉକ ।

କାକୁଡି କଷି,ଲଙ୍କା ମାରିଚ 

ବାହାରୁ ଆସେ ହୋଇ ସବାର ।

ପାଠ ପଢିକି ପିଲା ବେକାର,

ଦାଦନ ଖଟେ ଯାଇ ବାହାର ।

ଭାରି ସୁନ୍ଦର------------

ଯୋଗ୍ୟ ହୋଇକି ଗାଁ ଭେଣ୍ଡିଆ,

ହେଉଛି ସିଏ ସହର ମୁହାଁ

ବୁଢା ବାପା ମା ଜରାଶ୍ରମରେ ।       

ବିତାନ୍ତି ଦିନ ଦୁଃଖ ଅପାର ।

ଦୁଃଖ ବଢୁଛି ନିତି ନାରୀର,

ଅସହ୍ୟ ଦୁଃଖ ଗାଆଁରେ ତାର

ଭାରି ସୁନ୍ଦର ଗାଆଁ ଆମର.....

ସହକାରୀ ଶିକ୍ଷକ

ଏନ୍‌.ଏ.ସି ସରକାରୀ ବାଳିକା ଉଚ୍ଚ ବିଦ୍ଯାଳୟ, ପାରାଦୀପ

ମୋ-୯୦୪୦୮୭୦୧୦୦

ଜୟ ସାହିତ୍ୟ, ଜୟ ସମାଜ