● *ତଥାପି ସନ୍ଦିହାନ* ●

                                                                                          ରାଜେଶ ମୁଣ୍ଡ

କିଛି ବି ତ କରି ପାରିଲିନି ।
ଆବଦ୍ଧ ଚୌହଦୀରୁ
ସଂପର୍କ ସବୁ ଉଦ୍ୟତ
ଟପି ଯିବାକୁ ସୀମାରେଖା ।
ଆତ୍ମୀୟତାର ଆଳରେ
ଚାଟୁକଥାର ଚେହେରାରେ
ଦୁର୍ଦ୍ଦିନର ଦୟନୀୟ ଦୁଆରରେ
ତମାମ୍ ଗୋପନୀୟ ଚୁକ୍ତି
ଉଜାଗର ହୋଇଯିବା ଭୟରେ ।

ବୋଧେ ମୁକୁଳି ଯାଇପାରେ
କିଏ ଜାଣିବା ଆଗରୁ
କିଏ ଦେଖିବା ଆଗରୁ
କିଏ ଜିତିବା ଆଗରୁ ।

ସନ୍ଦିହାନ ସମ୍ପର୍କର ଡୋରରେ
ଅସଂଖ୍ୟ ସ୍ୱାର୍ଥର ପରିଧିରେ
ହୁଏତ କାହାକୁ ଭଲ ଲାଗି ନ ପାରେ
ମୋ' ହାତ ଖଂସରେଇ ଆଣିବାରେ
ସତରେ ଆଉ ପାରିଲିନି
ପବନର ଫାଶରେ ନିଜକୁ
ବାରମ୍ବାର ବାନ୍ଧି ରଖିବାରେ ।

ଜୟ ସାହିତ୍ୟ, ଜୟ ସମାଜ