ମୂଳୁ ମାଇଲେ ଯିବ ସରି

ବାବାଜୀ ଭୋଇ

ହେ ସରକାର ! ନାହିଁ କି ୟା' ପ୍ରତିକାର,   
ଜବାବ ତୁମେ ଦିଅ  ।                    
କାହା ପୁଅ ଯେବେ ମଦ ପିଇ ପିଲା,
ଗଡାଇଛ କେବେ ଲୁହ  । ।
ବିକି ଯେ ପାରିବ ଅଧିକ ମଦ,
ସେ ପାଇବ ପୁରସ୍କାର ,
ଏ କି ରାଜ ଧର୍ମ, ସୁଶାସକେ ଗଣା
କର ନୀତି ଆବିଷ୍କାର  । ।
ଅଧିକ ମଦ ପିଇଲେ ସିନା
ଅଧିକ ହେବ ବିକିରି  ।
ମଦ୍ୟପକୁ ଧରି ଦଣ୍ଡ ଜୋରିମନା,                        
ଆଦାୟ କର କିପରି ?
ଯେ ବିକିଲା. ସିଏ ହୁଏ ନାହିଁ ଦୋଷୀ,
ଯେ କିଣିଲା ହୁଏ ଦୋଷୀ,
ଏପରି ନିୟମ ଅଛି କେଉଁ ଠାରେ
କହିବେ ଜ୍ଞାନୀ ବିଦୁଷୀ,


ମଦ ବିକି,ପାଇ ଅଧିକ ଶୁଳ୍କ,
ଲାଭ ପକେଟେ ପୁରାଅ,  
ମଦର ବନ୍ୟା ଛୁଟାଇ ଦେଶରେ
ନିରୀହ ଜନେ ମରାଅ । ।
ନବ ବିବାହିତା ହାତୁ ଚୁଡି କାଢି,
ମଥାରୁ ପୋଛି ସିନ୍ଦୂର  ।        
ମାଆ କୋଳୁ ଭେଣ୍ଡା ପୁଅକୁ ଛଡାଇ 
ଦେଖୁଛ ଖାଲି ହୁନ୍ଦର  । ।
ଝିଅ , ବୋହୁ ଦାଣ୍ଡେ ଚାଲି ନ ପାରନ୍ତି 
ମଦୁଆଙ୍କ ଉତ୍ପାତରେ ।
ମାଆକୁ ସମ୍ମାନ ଯେ ଦେଇ ନ ଜାଣିଛି,
ନିର୍ବୋଧ ସେ ଜଗତରେ ।
ଯା' ହାତେ କ୍ଷମତା, ଯେ' ଗଢି ଜାଣିଛି,
ସେ କି ନ ପାରିବ ଭାଙ୍ଗି  । ?
 ନ ପାରିଲେ ଭାଙ୍ଗି ସେ କି ଯୋଗ୍ୟ ନେତା,
କ୍ଷମତାରେ ଗାଦି ଲାଗି  ?
ପ୍ରଜା ମାରଣ ନୀତି କ'ଣ ଅଟେ,
ସୁ ଶାସନ ରାଜନୀତି
ଯେ' ପାଳଇ ସୁଖ ଶାନ୍ତିରେ ପ୍ରଜାଙ୍କୁ,
ପ୍ରକୃତରେ ନରପତି  । ।
ନୋହିଲେ ନାରୀଙ୍କ ତତଲା ଲୁହରେ,
ପୋଡି ଭସ୍ମ ହୋଇଯିବ  ।
ପ୍ରଜା ହିତେ ଭଲ କାମ କରିଥିଲେ,
କାଳ କାଳ ନାଆଁ ଥିବ  ।
ମୁଳୁ ମାଇଲେ ଯିବ ସିନା ସରି
ମଦ ଉତ୍ପାଦନ ବନ୍ଦ ।
ହୋଇଲେ, ମରିବେ ନାହିଁ ଆଉ କେହି ?
ନ ପାଇ ଟୋପାଏ ମଦ  । ।

ଶିଶୁଆ, ବାଇରୋଇ ,କଟକ

ଜୟ ସାହିତ୍ୟ, ଜୟ ସମାଜ