ତୁମ ପ୍ରତିଭାକୁ ସଲାମ

ବିରଞ୍ଚି ନାରାୟଣ ମଲ୍ଲିକ  
🌹🌹🌹🌹🌹🌹🌹

  ତୁମ ପ୍ରତିଭାକୁ  ସଲାମ କରୁଛି
      କୋଟି କୋଟି ନମସ୍କାର
   ପ୍ରତି ଭାରତୀୟ କଣ୍ଠରେ ଶୁଭୁଛି
      ତେରୀ ମେରି ଗୀତସ୍ବର ।




     ବଣମଲ୍ଲୀ ସମ  ଫୁଟି ମହକିଲ
          ହୃଦୟେ କରିଲ ଘର
   ତୁମ କଣ୍ଠ ଯାଦୁ  ପ୍ରଭାବିତ କଲା
         ହୋଇଲ ସୁପରଷ୍ଟାର ।

   ସୁରର ସୌରଭ  ପାଇଲା ଆଦର
        ବିମୋହିତ କଲା ପ୍ରାଣ
    ସୁନାକୁ ବଣିଆ  ଚିହ୍ନିଥାଏ ପରା
          ଜ୍ଞାନୀ ଚିହ୍ନି ଥାଏ ଗୁଣ ।



    ବିଧିର ବିଧାନ  କପାଳ ଲିଖନ
        କିଏ ବା କରିବ ଆନ
   ପଙ୍କରୁ ପଦୁଅଁ  ହୁଅଇ ଉତ୍ପନ୍ନ
       ସବୁ ତ ଈଶ୍ବର ଦାନ ।

  ପାଷାଣୀ ଅହଲ୍ୟା ଜୀବନ ପାଇଲା
      ହୋଇଲା ସେ ସାପମୁକ୍ତ
  ଭିକାରୁଣୀ ହୋଇ  ଭିକ ମାଗୁଥିଲା
     ଷ୍ଟେସନରେ ଗାଇ ଗୀତ ।

  ଭାଗ୍ୟରେ ଘଟିଲା  ପରିବର୍ତ୍ତନଟି
       ରାନୁ ମଣ୍ଡଳଙ୍କ କଥା
   ହିମେଶଙ୍କ ସାଥେ  ରାନୁ ଗାଉଛନ୍ତି
         ସାଜିଲେ ଦ୍ବିତୀୟ ଲତା ।

  ହିନ୍ଦୀ ସିନେମାର ସେ ଗଡଫାଦର
         ତାଙ୍କ ନାମ ସଲମନ
   ପଞ୍ଚାବନଲକ୍ଷ ଘର ଉପହାର
       ଦେଇଛନ୍ତି ଭାଇଜାନ ।

   ଛପର ଫାଡିକି  ଈଶ୍ବର ଦିଅନ୍ତି
       ଯାହା ଶୁଣିଥିଲ କାନେ
   ଈଶ୍ବରଙ୍କ ସତା  ଅନୁଭବ କର
       ଦେଖ ହେ' ଦୁଇ ନୟନେ ।

    ଆତ୍ମୀୟ ସ୍ବଜନ  ମିଳିଗଲେ ତାଙ୍କୁ
         କରିଥିଲେ ଦିନେ ତ୍ୟାଗ
    ଏଭଳି  ବିରଳ   ପ୍ରତିଭାଟି ତୁମେ
         ନିଶ୍ଚିତ ପ୍ରଶଂସା ଯୋଗ୍ୟ ।

         ପାଟେଳି-ନିଆଳି-କଟକ 
         ଜୟ ସାହିତ୍ୟ, ଜୟ ସମାଜ