💕ହେଲୋ 💕

                                                                                    ଜୁମର ନାଥ ପାତ୍ର

"ହେଲୋ.. ଆରେ ତୁମେ
ହଁ କହନ୍ତୁ କେମିତି ମନେ ପଡିଲି
ହେଲୋ ..."
  କାନ ପାଖରେ ସେଇମିତି ଫୋନ ଟା
କେମିତି ଅଛ ପଚାରିବିନି
ପଚାରିବିନି ପାଉଡର ପୋଛିଲେ
କେମିତି ଦିଶ ତମେ
ଏମିତିରେ ଡିପି ସ୍ଟାଟସ୍ ରେ ଖୁବ୍ ସୁନ୍ଦର
ପିଲାପିଲି ...ଆଦୌ ପଚାରିବିନି
ପଚାରିବିନି
ମୁଁ କେତେ ଭଲ ଲାଗେ ତମକୁ କି
କହିବିନି
ମୁଁ କେତେ ଆକର୍ଷିତ ତମ ପ୍ରତି
ପଚାରିବିନି ବୟସ ...ଇଲୋ .. 

ସୁସ୍ଥ କି ଅସୁସ୍ଥ ମନେ ଆଉ ଦେହେ ପଚାରିବିନି
ବୁଝିବାକୁ ଇଚ୍ଛା ନାହିଁ
ସେ ତମର କେମିତି ଅଛନ୍ତି
କେତେ ନିଜର ...
ପଚାରିବିନି ମନେ ପଡ଼େ ମୁଁ ତମର
ସକାଳେ ଦ୍ବିପ୍ରହରେ ସନ୍ଧ୍ୟାରେ ନା ମଝି ରାତିରେ
କହିବିନି ତମେ ଅଛ କୋଉଠି ମୋଠି
ହୃଦୟରେ କି ମନରେ କି ବାକ୍ଯରେ
ପଚାରିବିନି କିଛି ତମ କଥା କି
କହିବିନି ମୋ ମନ କଥା ।।
"ହେଲୋ ...ହେଲୋ
କିଛି ତ କହନ୍ତୁ ...ହେଲୋ"
  କ'ଣ ବା କହିବି
ଅଟୋମେଟିକ ଆଙ୍ଗୁଳି ଚିପିଗଲା
କଲ୍ କଟ୍ ବଟନ୍ ରେ ...

ମୋତିଗଞ୍ଜ - ବାଲେଶ୍ବର 
ଜୟ ସାହିତ୍ୟ, ଜୟ ସମାଜ