କରୋନା ପ୍ରତିରୂପ

           ● ଡ଼କ୍ଟର ଲକ୍ଷ୍ମଣ ସାହୁ 
       **************

କରୋନା ଆସିଛି ବୋଲି ପ୍ରିୟା ମୋତେ
ଦୂରେଇ ଦେଉଛ ପାଶେ
ପ୍ରତିମୁଖ ତମ ନଦେଖିଲେ ଥରେ
ସକାଳ ସୂର୍ଯ୍ୟ କି ହସେ !!!

ପ୍ରକୃତିର ରୋଷ ପୃଥିବୀ ବିବଶ
ବସନ୍ତର ଉପହାର
ଘନ ଅନ୍ଧାକାରେ ଲୁଚିଗଲା ପ୍ରିୟା
ତମ ମୋର ଅଭିସାର  !!

ବଉଳର ବାସ୍ନା କୋଇଲିର ତାନ
ଅଦିନ ବର୍ଷାର ଖେଳ
ଦିନ ରାତ୍ର ସବୁ ଫାଙ୍କା ଲାଗେ ପ୍ରିୟା
ହୃଦୟକୁ କରେ ଗୋଳ  !!!

କରୋନାର ରୂପ ଆତଙ୍କ ଭରିଛି
ବଦଳୁଛି ଚିତ୍ରପଟ୍ଟ
ମାଦକତା ନାହିଁ ପ୍ରିୟା ପାଶେ ଆଉ
ମନହୁଏ ଛଟପଟ  !!!

ପୁଷ୍ପର ସମ୍ଭାର ବସନ୍ତ ଆଣିଛି
ଭେଟି ଧରୁ ନାହିଁ ପ୍ରିୟା
କାଳେ ଲାଗିଯିବ କରୋନାର ବିଷ
ଥରିଉଠେ ତା'ର ହିୟା  !!!

ଶୀତର ହେମାଳ ସତେ ଭଲ ଥିଲା
ପ୍ରିୟାର ଉଷୁମ ଦେହେ
ବସନ୍ତ ମଳୟ ଏବେ ଭୟଙ୍କର
କରୋନାର କଷ୍ଟ ସହେ ।

କୋକୁଆ ଭୟଟା ଗ୍ରାସିଛି ସକଳେ
ପ୍ରିୟା କହେ ଦୂରେ ରହି
ହତ୍ୟା କରୁଥିଲ ପରିବେଷ ଦିନେ
ତାର ପ୍ରତିଫଳ ଏହି  !!!

କଏଦୀ ରୂପରେ ଜୀବନ କାଟୁଛ
ମୁଖରେ ବାନ୍ଧିଲ ତୁଣ୍ତି
ଦୂରେ ଥାଇ ପ୍ରିୟା ହସି ମୋତେ କହେ
ନପାରିଵ ଏବେ ଭଣ୍ତି  !!!

🎤🎤🎤🎤🎤🎤🎤🎤🎤🎤🎤
🐆'ତାରା ନିଳୟ' , ପ୍ଲଟ:୮୫୪/ଏ🐆
       🐍ଚ଼ାଚ଼ରା ଶବର ସାହି🐍
🐧ମୁକୁନ୍ଦ ପ୍ରସାଦ , ଖୋର୍ଦ୍ଧା -୫୫🐧
📳ଦୂରଭାଷ -୯୦୪୦୧୫୧୪୭୫📳
🎤🎤🎤🎤🎤🎤🎤🎤🎤🎤🎤

🙏ଜୟ ସାହିତ୍ଯ , ଜୟ ସମାଜ🙏