ବୈଦ୍ଯନାଥ ପଣ୍ଡା
*********
ଭାଙ୍ଗିବାକୁ ଯଦି
ଇଚ୍ଛା ତୁମ ଥିଲା
ତେବେ ଗଢୁଥିଲ ମତେ କାହିଁକି ?
ମାରିଦେବା ଯଦି
ତୁମ ମନେ ଥିଲା
ତେବେ ବଞ୍ଚାଇ ଥିଲ କାହିଁକି ?
ଫୁଲଟିଏ କରି
ମୋ' ଦେହରେ ପୁଣି
ତୁମେ କଣ୍ଟା ଭରି ଦେଲ କାହିଁକି ?
ସୁଖୀଟିଏ କରି
ରଖିବାକୁ କହି
ମତେ ଦୁଃଖୀ କରିଦେଲ କାହିଁକି ?
ରାଣୀ କରି ମତେ
ନରଖିଲ ନାଇଁ
ତୁମ ଦାସୀ ନକରିଲ କାହିଁକି ?
ସରଗର ଚାନ୍ଦ
ଆଣିି ଦେବ କହି
ମତେ ଠକି ଚାଲିଗଲ କାହିଁକି ?
ମୋ' ଗୀତର ତୁମେ
ସୁର ହେବ ବୋଲି
ମୋତେ ବେସୁରା କରିଲ କାହିଁକି ?
ପାଦରେ ମୋହର
ଘୁଙ୍ଗୁରକୁ ବାନ୍ଧି
ପୁଣି ତାଳ ଭୁଲିଗଲ କାହିଁକି ?
ଆଶା ଦେଇ ମତେ
ନିରାଶା କରିଲ
କୁହ ଏ ପ୍ରତାରଣା କଲ କାହିଁକି ?
ମୋ' ଭଲ ପାଇବାରେ
ଭୁଲ୍ କ'ଣ ଥିଲା
ତୁମେ ଭୁଲିଗଲ ମତେ କାହିଁକି ?
କୁହ ମତେ ଏବେ
ତୁମେ ଗଲା ପରେ
ଆଉ ମୁଁ ବଞ୍ଚିବି ଏଠି କାହିଁକି ?
❓❓❓❓❓❓❓
ଅବଦଲ ପୁର - ଯାଜପୁର
ଦୂରଭାଷ - ୯୪୩୭୯୮୫୪୧୯୯
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।