କରୋନା

କବି ଶ୍ରୀ ପ୍ରଦୀପ କୁମାର ସାହୁ (ଶିକ୍ଷକ)
******************************

ଜଗତର ନାଥ କାଳିଆ ସାଆନ୍ତ
     ରହିଛି ମଉନ ପରି ,
ନଜାଣିଲା ପରି କରେ ଅଭିନୟ
    ତଥାପି କରୁ  ଗୁହାରି  ll
ରଖିଲେ ରଖିବ ମାରିଲେ ମାରିବ
    ସବୁତ ତୁମରି ନାଟ ,
ଜଗତ କରତା ପରମ ଈଶ୍ୱର
    ଶରଣ ଗଲୁରେ ସତ ll
କୁଆଡୁ ଆସିଲା ଅଜଣା ବେମାର
      କରୋନା ନାମ ତା' ହେଲା ,
ଦେଖୁ ଦେଖୁ ପରା ସାରା ଜଗତଟା
    ଆତଙ୍କରେ  ଖେଳିଗଲା ll
କରୋନା ରୋଗରେ କେତେ ଯେ ମଲେଣି
    ଭୟ ଲାଗେ ନାଁ ଶୁଣି ,
କାହିଁକି ମଉନେ ରହିଛୁ କାଳିଆ
     ଭାବନା କେମିତି ପୁଣି ll
କରୋନା ପାଇଁ କି କେତେ କଟକଣା
         କରିଛନ୍ତି ସରକାର ,
ନୀତି ନିୟମରେ ଚ଼ାଲିବା ଆମେରେ
       ଭୟ ହୋଇ ଯିବ ଦୂର ll
       (ତଥାପି ଲାଗୁଛି ଡର ll)
ଏ ସଂସାର କି ବା ଧ୍ୱଂସ ହୋଇ ଯିବ
    ମାଳିକାରେ ଲେଖା ଅଛି ,
ସେଥିପାଇଁ କି ବା ମଉନେ ବସିଛୁ
    କହ ବାରେ ଚକା ଆଖି ll
ସରସରା - ବୌଦ୍ଧ 
ଜୟ ସାହିତ୍ୟ, ଜୟ ସମାଜ