♥🌹♥ନିଆରା ଫଗୁଣ♥🌹♥

ମହାସ୍ମିତା ଓଝା 


ସାତ ରଙ୍ଗ ନେଇ ହୋଲି ଖେଳିବାକୁ
                      ଇଚ୍ଛା ନାହିଁ ଆଜି ମୋହର
ହୋଲିରେ ଆସିଛି କରୋନା ଭୂତାଣୁ
                     କହୁଛନ୍ତି ଆମ ସରକାର ।

ମେଡ୍ ଇନ୍ ଚାଇନା ରଙ୍ଗକୁ ଦେଖିଲେ
                        ଘୃଣା ଜାଗି ଉଠେ ମନରେ
ଜାଣିନି ଚାଇନା ରାଧା ସଙ୍ଗେ ଶ୍ୟାମ
                  ବିଜେ ଆଜି ଦୋଳ  ବେଦୀରେ ।

ଫଗୁ ଅବିରରେ ପ୍ରୀତି ବଣ୍ଟାବଣ୍ଟି
                          ସତେକି ଫଗୁଣ ସମ୍ଭାର
ସାତ ରଙ୍ଗ ନେଇ ବୋଳାବୋଳି ହୋଇ
                      ରାଧା ସଙ୍ଗେ ଶ୍ୟାମ ସୁନ୍ଦର ।

ଦେଖିଦେଲେ ସେହି ଅପୂର୍ବ ବେଶକୁ
                           ମନ ହୁଏ ଆଜି ଅଧିର
ହୋଲି , ଅବିରର ସାତରଙ୍ଗ ନେଇ
                      ଫଗୁଣ ହୋଇଛି ଚଞ୍ଚଳ ।


କେତେ ମନ୍ତ୍ରଣା ଓ ହୀନ ଚକ୍ରାନ୍ତରୁ
                      ମୋ' ଦେଶ ପାଇଛି ମୁକତି
ସାହା ହୋଇଛନ୍ତି କାଳିଆ ଠାକୁର
                     ହାରିଛି ଯେତେ ହୀନ ଶକ୍ତି ।

କେତେ ବିପଦକୁ ସାମନା କରିଣ
                     ତଥାପି ମୋ' ଦେଶ ମହାନ
କରୋନା ଭୂତାଣୁ ମହା ସମୁଦ୍ରରେ
                     ହୋଇଯିବ ମୂଳୋତ୍ପାଟନ ।

ହୃଦୟ କହୁଛି ଏ ବର୍ଷ ଫଗୁଣ
                       କାହିଁକି ନିଆରା ଲାଗୁଛି
ହୋଲି , ଅବିରର ରଙ୍ଗ ରୋଷଣୀରେ
                          ଭାରି ମହମହ ବାସୁଛି ।
 ଜଗତସିଂହପୁର 
ଜୟ ସାହିତ୍ୟ, ଜୟ ସମାଜ