ଦେବେନ୍ଦ୍ର କୁମାର
କରୋନା କରୋନା କରୋନା
ଭୂତାଣୁ ସମକୁ କଲାନ ବାଟବଣା ।
ଚାପି ଆସୁଛେ ଚାରହିଖୁତି
ଗଦା ଗଦା ଗୁର୍ଦୁ ଗୁର୍ଦୁ କ୍ଷତି ,
ମିଟରେ ମିଟରେ ଛାଡ଼ି ଛାଡ଼ି
ହାଟ କରମାଁ ଧାଡ଼ିକେ ଧାଡ଼ି ,
କରୋନା କରୋନା କରୋନା
ଭୂତାଣୁ ସମକୁ କଲାନ ବାଟବଣା ।
ଧରଲେ ଥଣ୍ଡା ଶର୍ଦ୍ଦି ଖାଁସି
ଘରେ ନାଇଁ ରହେଵ ବସି,
ଚଟପଟାନୁ ଯିମା ଡ଼ାକ୍ତରଖାନା
ଉଷୋକଷାକେ ଧିଆନ ଦେମା,
କରୋନା କରୋନା କରୋନା
ଭୂତାଣୁ ସମକୁ କଲାନ ବାଟବଣା ।
ଘରେ ଘରେ ଥିବା ସେନିଟାଇଜର୍
ହାତ ଧୁଇଦେମାଁ ଥରକେ ଥର,
ଘରେ ବାହାରେ ଗୁଟେ ନ କଥା
ସଫାସୁତୁରାକେ ନୁହେଁ ଅଥାବିଥା,
କରୋନା କରୋନା କରୋନା
ଭୁତାଣୁ ସମକୁ କଲାନ ବାଟବଣା,
ଇ ବେମାରୀନେ ନାଇଁନ ଉଷୋକଷା
ଗୁଜବ,ଅନ୍ଧବିଶ୍ୱାସ କରେ ଅଡ଼ାବସା ,
କରୋନା ନାଇଁ ଜାନେଁ ଜାତିପାତି
ତର୍କି ରହେଲେ ମିଲବା ମୁକତି,
ଆମର ସୁରକ୍ଷା ଆମର ହାତେ
ଜନସଚେତନତା ଦେଶର ହିତେ।,
କରୋନା କରୋନା କରୋନା
ଭୂତାଣୁ ସମକୁ କଲାନ ବାଟବଣା ।
ଜନତା କର୍ଫ୍ୟୁ କି ଲକ୍ ଡାଉନ୍
ମାନୁଥିମାଁ ଗାଁ ହେଉ କି ଟାଉନ୍ ,
ସ୍ଵାସ୍ଥ୍ୟକର୍ମୀ ଡ଼ାକ୍ତର ଦଳକେ ଦଳ
ଆମର ସେବାନେ ସେମାନେ ବିକଳ,
କରୋନା କରୋନା କରୋନା
ଭୂତାଣୁ ସମକୁ କଲାନ ବାଟବଣା ।
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।