କରୋନାକୁ ଭୟ କରନା

       ଅନାମ ଚ଼ରଣ ସାହୁ 

 

ଆତଙ୍କ ଖେଳାଏ ବିଶ୍ୱେ
           କରୋନା ତା' ନାମ
ସଂକ୍ରାମକ ସଂକ୍ରମିତ
                ସାଜି କାଳଯମ ।

ୱହନା ପ୍ରଦେଶ ସେହି
                      ଚୀନ ଦେଶେ ସ୍ଥିତ
ଷଠି ଘର ଭୂତାଣୁର
                      ଡାକତରି ମତ ।

ପ୍ରକୃତି ବିରୋଧୀ ଶୈଳୀ
                      ମାନବ ଅଭ୍ୟାସ
ବିଶୃଙ୍ଖଳା ତତ୍ତ୍ୱ ସୃଷ୍ଟି
                       ବିଶ୍ଵ ଯିବ ନାଶ ।

କାଶ , ଛିଙ୍କ ଆଦି ସାଥେ
                        ବିନ୍ଦୁ ସଂକ୍ରମଣ
ରୋଗୀଠାରୁ ସୁସ୍ଥ ଦେହେ
                        ପ୍ରସାର , ପ୍ରମାଣ ।


ନାକ , କାନ , ଆଖି ବେନି
                         ନଛୁଅଁ ହସ୍ତରେ
ବାରମ୍ବାର କର ଧୁଅ
                        ପାଣି ,ସାବୁନରେ ।

ରୋଗୀଠାରୁ ଦୂରେ ରୁହ
                         ମାପି ଛଅଫୁଟ
ସ୍ବାସ୍ଥ୍ୟକର୍ମୀ ପାଶେ ନିଅ
                         ହୋଇ ଏକଜୁଟ ।

ଅଯଥାରେ ବଜାରକୁ
                         ନଯିବାରେ କେହି
ଗହଳି ସ୍ଥାନକୁ ତ୍ୟାଗ
                         ଅଳି ମୋର ଏହି ।

ରୋଗୀକୁ ନକରି ଘୃଣା
                        ଲଢି ରୋଗ ସାଥେ
ବିଜ୍ଞାନୀ ମଣିଷ ଆମ୍ଭେ
                       ବିଜେତା ମରତେ ।

ବିଭୁତିପୁର - କାକଟପୁର (ପୁରୀ)
ମୋ-୯୯୩୭୨୧୦୨୬୦
ଜୟ ସାହିତ୍ୟ, ଜୟ ସମାଜ