କରୋନା ସତର୍କ

ସହଦେବ ବେହେରା (ଶିକ୍ଷକ)
     ............... .....     🍀.................... 🍀  .................
(ବିଶ୍ବର ଏହି ବିପର୍ଯ୍ୟୟ ସମୟରେ ଆମକୁ ଧୈର୍ଯ୍ୟର ସହ ମୁକାବିଲା କରିବା ଓ ସତର୍କତା ଅବଲମ୍ବନ କରିବାକୁ ଆହ୍ୱାନ ରଖି ମୋ' ଦେଶ ଓ ବିଶ୍ବବାସୀ ଉଦ୍ଦେଶ୍ୟରେ ଏହି କବିତାଟି ଉତ୍ସର୍ଗ କରିବା ହେଉଛି ।) 
     ............... .....     🍀.................... 🍀  .................

ଆଉ ପାରିଲିନି      ମନକୁ ସମ୍ଭାଳି
       ଲେଖୁଛି ଆଜି ଏ କବିତା
କରୋନା ପାଇଁକି   ସଚେତନ ହେବା
      ସେଥିପାଇଁ ଏହି ବାରତା ll ୧
   
ଅଖାଦ୍ୟ ଭକ୍ଷିଲେ   ଓହାନର ଲୋକ
       ଜୀବଜନ୍ତୁ କୀଟପତଙ୍ଗ
ପଶୁ ବଧ କରି  ନୃଶଂସ ହୋଇଲେ
   ଭୋଜନ କରି କଞ୍ଚା ଅଙ୍ଗ ll ୨
     
ବିସ୍ତାରିଣ କାୟା   ବିଶ୍ବକୁ କରୋନା
         ଭୟଙ୍କର ହୋଇ ଗ୍ରାସୁଛି
କେତେ ଦେଶବାସୀ  ଜୀବନ ନେଲାଣି
     ତା' ମୃତ୍ୟୁମୁଖକୁ ଟାଣୁଛି  ll ୩
     
ଦେଶବାସୀ ଆମେ  ବେଳଥାଉ ଯଦି
      ସତର୍କତା ପଥ ଧରିବା
ସେ ମହାମାରୀର   ଭୟଙ୍କାରିତାରୁ
    ବିଶ୍ବକୁ ଉଦ୍ଧାର କରିବା ll ୪
     
ବାର ବାର ହାତ   ସାନିଟାଇଜରେ
     ମନେ କରି ସଦା ଧୋଇବା
ଜନ ସମାଗମ     ଗହଳି ସ୍ଥାନଠୁ
   ନିଜକୁ ଦୂରେଇ ରଖିବା ll ୫
   
ବାହାର ଦରବ  ଛୁଇଁବାକୁ ମନା
    ଗୁଜବଠୁ ଦୂରେ ରହିବା
ଆଖି କାନ ନାକ   ଘୋଡାଇ ରଖିବା
 ହାତରେ କେବେ ନ ଛୁଇଁବା ll ୬
 
 ମୁଖେ ମୁଖା ପିନ୍ଧି   ଦୂରତା ରଖିବା
   ସାଙ୍ଗସାଥି ହେଉ ଯେ' କେହି
 ଯାନବାହନରେ   ରହିବା ଦୂରେଇ
   ଯଦି  ଅପରିଚିତ ସେହି  ll ୭
     
କାଶ ଛିଙ୍କ ଥଣ୍ଡା   ଜ୍ଵର ନ କମିଲେ
       ଡାକ୍ତରଖାନାକୁ ଧାଇଁବା
ପରୀକ୍ଷା ନିରୀକ୍ଷା   ପ୍ରତିଷେଧ ଯାହା
   ମାନି ତାକୁ ଆମେ ଚଳିବା ll ୮
   
ହେଉ ଗୁରୁଜନ   ବାଳୁତ ଅବା ସେ
      ଧ୍ୟାନ ସରବଦା  ରଖିବା
କରୋନା ଯେପରି   ସଂକ୍ରମ ନ କରେ
  ଧୈର୍ଯ୍ୟେ ମୁକାବିଲା କରିବା  ll ୯
     
ବିଦେଶକୁ ଯିବା   ମନ ନ କରିବା
 ନବୁଲି  ଦେଶେ ଏଣେତେଣେ
ସତର୍କ ସୂଚନା  ମାନି ଯେ ଚଳିବା
ସହଦେବ ଏହା ବଖାଣେ ll ୧୦
     .............     .  ................

ମଙ୍ଗରାଜପୁର ,ହାଟଡ଼ିହି , ଆନନ୍ଦପୁର , କେନ୍ଦୁଝର 
ମୋ- ୯୪୩୮୨୦୦୮୭୦
ଜୟ ସାହିତ୍ୟ, ଜୟ ସମାଜ