❤🌹❤ନିଆରା ବର୍ଷା❤🌹❤

ମହାସ୍ମିତା ଓଝା 

ଏମିତି ତୁମ ମନ ଆକାଶରୁ
ପ୍ରୀତିର ମେଘ ଟିକେ ଦିଅନ୍ତନି
ଭିଜି ଯା'ନ୍ତି ମୁଁ ମନ ଭରି, ଆଉ
ଭିଜି ଯା'ନ୍ତା ମୋ' ତନୁ ମନ ।

ଆଜି କାହିଁକି ଆକାଶକୁ ଦେଖିଲେ
ତୁମେ ମନ ପଡ , ମନ କିନ୍ତୁ କହୁଥାଏ
ଆଞୁଳାଏ ପ୍ରୀତି ବର୍ଷା ହୋଇ ଝରି ଯା'ନ୍ତ କି,
ଅତୃପ୍ତ ଇଚ୍ଛା ସବୁ ଭିଜି ଯା'ନ୍ତେ ମନଭରି ।

ତମର କ'ଣ ଜମା ଇଚ୍ଛା ହୁଏନି
ଭିଜି, ଭିଜାଇବାକୁ ମତେ
କେତେଦିନ ଆଉ,ଲଘୁଚାପ୍ ହୋଇ
ଖଣ୍ଡ ପ୍ରଳୟ କରିବ, କେବେ ତ ମନ
ଇଲାକାରେ ମଉସୁମୀ ମେଘ ହୋଇ
ଝରିଯାଅ ଆପଣା ଇଚ୍ଛାରେ ।

ଥରେ ଖାଲି ମେଘ ହୋଇ ବର୍ଷି ଯାଅନା ,
ଦେଖିବ ନିଜ ଇଛାରେ ବର୍ଷା ହୋଇ
ଝରି ଯିବାରେ କେତେ
ଆନନ୍ଦ ମିଳେ ।
କେବେ ମରୁଭୂମିରେ ନୀଳ ବର୍ଷା ହୋଇ ଦେଖିଛ ,
କେମିତି ନିଥର
ବାଲି ପିଇ ଯାଏ ପୋଷ ପୋଷ କରି
ଏମିତି ବର୍ଷାକୁ ମୁଁ ଖୋଜୁଛି
ଭିଜେଇବ ସେ ମତେ ଆପଣା ଢଙ୍ଗରେ,
ଚାହିଁ ରହିଥିବ ସେ ମୁଗ୍ଧ ନୟନରେ,
ମୁଁ କିନ୍ତୁ ମଥା ପାତି ଦେଇଥିବି ତା' ଭିଜା ହୃଦୟରେ ।।

ଜୟ ସାହିତ୍ୟ, ଜୟ ସମାଜ