ତୃପ୍ତି ରାଣୀ ପାତ୍ର (ଶିକ୍ଷୟିତ୍ରୀ)
ଜଣାଇଲେ ଆଗେ ସତର୍କ ସୂଚନା
ପାଣିପାଗ କାର୍ଯ୍ୟାଳୟ
ବିଦେଶରୁ ଆସେ ବୁଲ୍ ବୁଲ୍ ରାଣୀ
ରଚିବ ମହା ପ୍ରଳୟ l
ମହାବାତ୍ୟା ତାର ଥିଲା ଜେଜେବାପା
ଫାଇଲିନ ତାର ପିତା
ହୁଡ୍ ହୁଡ୍ ଅଟେ ଆଦରର ମାଆ
ତିତିଲି ଫୋନି ବିମାତା l
ଚୁଲ୍ ଚୁଲ୍ ହୋଇ ଆସେ ବୁଲ୍ ବୁଲ୍
ହୋଇଣ ସେ ଗୁଲୁଗୁଲ୍
ଭରିଦେବ ମନେ ଦୁଃଖବିଲ୍ କୁଲ୍
ନଭାବିବ ଠିକ୍ ଭୁଲ୍ l
ବହିଲା ବତାସ ବରଷିଲା ମେଘ
ବିସ୍ତାରିଲା ତା ପ୍ରଭାବ
ନଅଟି ଜିଲ୍ଲାରେ ବିପଦସଙ୍କେତ
ଅତି ଶଙ୍କାକୂଳ ଭାବ l
ବୁଲ୍ ବୁଲ୍ ର ବାରତା ଶୁଣିଣ
ଗରିବର ଉଡେ ଚାଳ
ଗଡିଲା ବିଦ୍ୟୁତ ଖୁଣ୍ଟି ଆଉ ତାର
ପ୍ରକୋପ ତା ଅସମ୍ଭାଳ l
ରୋଗୀ ଆଉଭୋଗୀ ପୁଣିବୃଦ୍ଧବୃଦ୍ଧା
ହୋଇଲେ ବଡ ହୀନସ୍ତା
ଦୂରଭାଷ ଆଉ ଯୋଗାଯୋଗ ସେବା
ବିଚ୍ଛିନ୍ନ ହୋଇଲା ରାସ୍ତା l
ବିନା ନିମନ୍ତ୍ରଣେ ସବୁ ଖାଇଗଲା
ନିରାମିଷ ନରୁଚିଲା
ଛାଡଖାଇପାଇଁ ରହିନପାରିଲା
ଖାଇ ଶେଷ କରିଦେଲା ।
💧💧💧💧💧💧💧
ବାଲେଶ୍ୱର
💧💧💧💧💧💧💧
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।