ରତ୍ନପ୍ରଭା ବାଇ
ଋତୁମତୀ ଧରା ବିଭୋରେ ଦେଇଚି ଦେହର ଦରଜା ଖୋଲି ।
ଇନ୍ଦ୍ରଧନୁର ଇଙ୍ଗିତେ ଆକାଶ ଅନୁରାଗେ ଆନମନା
ସଜଳ ସମ୍ଭୋଗେ ଭିଜାଇ ଧରାକୁ କରିଛି ସବୁଜ ବର୍ଣ୍ଣା ।
ବହଳ ଅନ୍ଧାରେ ଭସା ବଉଦରେ ଲଗାଇ ବିଜୁଳି ବତୀ
ମିଳନ ରଙ୍ଗରେ ଲେଖୁଚି ଅଙ୍ଗରେ ମହ୍ଲାର ମଧୁଗୀତି ।
ଚଗଲା ପବନ ମତୁଆଲା ମନ ଶୃଙ୍ଖଳାର ସୀମା ଡେଇଁ
ରୂପସୀ ଧରାର ଶାଗୁଆ ଶାଢିକି ଦେହରୁ ଦିଏ ଖସେଇ ।
ନହୁଲି ନଈର ଯଉବନ ଜଳେ ବୟସ ଅତଡା ଖସେ
କି , ଭାବନା ନେଇ କୁଆଁରୀ କଦମ୍ବ କୂଳେ କିରିକିରି ହସେ ।
ଗୁରୁଗୁରୁ ରଙ୍ଗ ହଳଦୀ ଦେହର ଭୁରୁଭୁରୁ ବାସ ବୁଣି
ମହୁଆ ମନକୁ ଭିଡି ସେ ସେନେହେ ପାଖକୁ ଆଣୁଚି ଟାଣି ।
ବରଷା ରାତିରେ ବିରହି ଛାତିରେ ଜଳୁଚି ନିଃସଙ୍ଗ ନିଆଁ
ବିନା ଦୋଷେ ଋତୁ ବଇରୀ ସାଜିଛି ସତରେ କେଜାଣି କିଆଁ ।।
ମୋ- ୯୩୩୭୯୭୨୭୪୯
ଜୟ ସାହିତ୍ୟ, ଜୟ ସମାଜ
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।