ନିବେଦନ

ଉଷାରାଣୀ ପଣ୍ଡା 

ବେଦମୁନି କହୁଛନ୍ତି
              ପ୍ରଭୁ  ନାରାୟଣ
 ବିଶ୍ବବାସୀ ଆତଙ୍କିତେ
                କାଟୁଛନ୍ତି ଦିନ l

 କୋରନା ରୂପୀ ଭୂତାଣୁ
                ଆବିର୍ଭାବ ହୋଇ
 ଗ୍ରାସିଲାଣି ଜନପ୍ରାଣ
                 ବିପଦ ଘଟାଇ l


 ବିଶ୍ବସାରା ଘାରିଅଛି
                ଅକସ୍ମାତ ଭୀତି
 ଚିକିତ୍ସା ପାଇଁ ଔଷଧ
                 ନାହିଁ କ୍ଷିତିପତି l

ମାନବ ଜୀବନ ମୃତ୍ୟୁ
                ମୁଖେ ପ୍ରଧାବିତ
ମହାକାଳ ନିକଟରେ
                ହାରିବ ଜଗତ l

ଦ୍ବାପରର ଅନ୍ତ ଯେହ୍ନେ
             କୋକୁଆ ମଧ୍ୟମେ
 ବିଶ୍ବ ଧଂସ ହୋଇବ କି
              କୋରନା ଅlକ୍ରମେ l


ଜ୍ଞାନୀ ବିଜ୍ଞାନୀ ସାଧୁ
                ସୁଧୀ ବିତ୍ତ ସମ୍ପନ୍ନ
ନିଷ୍କ୍ରିୟ ନିରସ ପ୍ରାଣେ
            କାଟୁଛନ୍ତି ଦିନ l

ବିଶ୍ୱବାସୀ ତରଫରୁ
                କରେ  ନିବେଦନ
 ଦୁଃଖରାଶି ଘୁଞ୍ଚିଯାଉ
            ପ୍ରଭୁ ଜନାର୍ଦ୍ଦନ ।
ସୋମପେଣ୍ଠ , ଆନ୍ଧ୍ରପ୍ରଦେଶ 
ଜୟ ସାହିତ୍ୟ, ଜୟ ସମାଜ