ଜାନୁ ଘଣ୍ଟି

🌹🌹🌹🔘🔱🔘🌹🌹🌹
         ଭାସ୍କର ରାଉତ 
🌷🙏🌷🙏🌷🙏🌷🙏🌷

ମାତା ତ ରେଣୁକା ପିତା ଜମଦଗ୍ନି
ତାହାଙ୍କ କୋଳ ମଣ୍ଡିଲ ,
ପିତୃ ଆଜ୍ଞା ପାଳି ମାତା ବଧ କରି
ମହିମା ବିସ୍ତାର କଲ ।୧।
ବ୍ରାହ୍ମଣ ଗର୍ଭରୁ ଜନମ ଲଭିଲ
ନାମ ତୁମ ପର୍ଶୁରାମ ,
ଏକୋଇଶ ବାର କ୍ଷତ୍ରି ସଂହାରିଲ
ଆଚରି କ୍ଷତ୍ରୀୟ କର୍ମ ।୨।
ଧରଣୀ ବକ୍ଷରେ ଘୋଷଣା କରିଲ
ଜନମରେ ନାହିଁ ଜାତି ,
କର୍ମଟି ତାହାର ନିର୍ଣ୍ଣୟ କରଇ
କେଉଁ ବର୍ଣ୍ଣେ ସେ ରହନ୍ତି ।୩।
ତ୍ରେତାର ଶେଷକୁ ଏ ଧରା ବକ୍ଷକୁ
ସପତମ ଅବତାରେ ,
ଶ୍ରୀରାମ ନାମରେ ଅଯୋଧ୍ୟା ନଗରେ
ଜନ୍ମ ଦଶରଥ ପୁରେ ।୪।
ବିଶ୍ବାମିତ୍ର ଧରି ଯଜ୍ଞ ରକ୍ଷା କରି
ଚଳିଲେ ମିଥିଳାପୁରେ ,
ଶିବଧନୁ ଭାଙ୍ଗି ଜନକ ନନ୍ଦିନୀ
ନେଇ ଫେରିବା ବେଳରେ ।୫।
ପଥ ଓଗାଳିଣ ପରୀକ୍ଷାକୁ ନେଲ
କରି ବ୍ରହ୍ମ ନିରୂପଣ ,
ଅସ୍ତ୍ର ତ୍ୟାଗ କରି ଘୋର ବନେ ଚଳି
ତପସ୍ୟାରେ ହେଲ ମଗ୍ନ ।୬।
ତୁମ ଅଂଶେ ଯେତେ ରହିଲେ ଜଗତେ
ସଂଯୋଗୀ ବୋଲାନ୍ତି ସେହି ,
ଜାନୁ ପରେ ଘଣ୍ଟି ହସ୍ତେ ପର୍ଶୁଗୋଟି
ଧରିଣ ବୁଲିଲେ ମହୀ ।୭।
ବ୍ରହ୍ମ ଗର୍ଭୁ ଜାତ କ୍ଷତ୍ରିକର୍ମେ ରତ
ତେଣୁ ସେ ସଂଯୋଗୀ ହେଲେ ,
ଗ୍ରାମେ ଗ୍ରାମେ ବୁଲି ଲୀଳାକୁ ପ୍ରସାରି
ଜୀବିକା ନିର୍ବାହ କଲେ ।୮।
ସମୟ ସୁଅରେ  ଘଣ୍ଟି ହଜିଗଲା
ଶୁଭୁନାହିଁ ସେ ଶବଦ ,
ଆଜିର ପିଢୀ ତ ବୁଝିବ ନାହିଁ ତ
ଜାନୁଘଣ୍ଟି ବଂଶବାଦ ।୯।
ଦେବମାୟା ଭବନ ,ଶେରଗଡ଼ , ଗଞ୍ଜାମ 
୯୭୭୬୪୮୬୬୨୮
ଜୟ ସାହିତ୍ୟ, ଜୟ ସମାଜ