ପୁଷ୍ପିତା ଭୋଇ
ନିନ୍ଦା ତା କରିବ ନାହିଁ,
ନ ଦେଖିବ ଯଦି ଅପରର ଖୁସି
ଈର୍ଷାନଳେ ଜଳ ନାହିଁ ।।
ନ ହୋଇବ ପଛେ କାହାକୁ ସଦୟ
ନିର୍ଦ୍ଦୟ ହୋଇବ ନାହିଁ,
ବିନା କାରଣରେ ଭୋକିଲା ମୁହଁରୁ
ଆହାର ରୋକିବ ନାହିଁ ।।
ଦେଇ ନ ପାରିଲେ ପର ଧନ ପରେ
ମୋହ ବା ରଖିବ କାହିଁ,
ପାପ ଧନ ବଳେ ପ୍ରାୟଶ୍ଚିତେ ଯିବ
ନର୍କରେ ପଡ଼ିବୁ ଯାଇ ।।
ହସ ଟିକେ ଓଠେ ଦେଇ ନ ପାରିଲେ
ଦୁଃଖ ବା କାହିଁକି ଦେବା,
ହସି ହସାଇଲେ ପରକୁ ଆପଣା
ସଭିଙ୍କ ମନ କିଣିବା ।।
ସାମର୍ଥ୍ୟ ଯଥେଷ୍ଟ ନଥାଉ କଙ୍କାଳେ
କଥା ବଳେ ଆନ କରି
ତୁଚ୍ଛା ସ୍ୱାଭିମାନେ ଫୁଲାଇ ଛାତିଟା
ମିଛ ଵାହୋସ୍ଫୋଟ ମାରି ।
ଯେଉଁ ନର ସଦା ସ୍ବାର୍ଥ ରେ ଜଡିତ
ଦୂରରୁ ଜୁହାର ତାକୁ,
ସର୍ବସ୍ବାନ୍ତ ଏଇ ମାୟା ଶିକୁଳିରେ
ଟାଣେ ନିଶ୍ଚେ ବିପଦକୁ ।।
ସବୁ ଜାଣି ଶୁଣି ନିର୍ବୋଧ ପରାୟେ
ନ ବିଚାରେ ଭୁଲ୍ ଠିକ୍ ,
ପାଠପଢି ଯେବେ ମୁର୍ଖାମୀ କରିବା
ଧିକ୍ ଏ ଜୀବନ ଧିକ୍ ।।
*************************
*************************
ଶିକ୍ଷୟିତ୍ରୀ
ଅରିଲୋ(ବାଲିଭଉଁରୀ)
କାଦୁଅପଡା, ଜଗତସିଂହପୁର
No comments:
Post a Comment
ହୃଦୟରୁ ଧନ୍ୟବାଦ ଏବଂ ଶୁଭ କାମନା।